Fana: At a Speed of Life!

ከ99 ሚሊየን ብር በላይ ግምታዊ ዋጋ ያላቸው የኮንትሮባንድ እቃዎች ተያዙ

አዲስ አበባ፣ ነሐሴ 10፣ 2015 (ኤፍ ቢ ሲ) በድሬዳዋ ጉምሩክ ቅርንጫፍ ከ99 ነጥብ 4 ሚሊየን ብር በላይ ግምታዊ ዋጋ ያላቸው የኮንትሮባንድ እቃዎች መያዛቸውን የጉምሩክ ኮሚሽን ገለጸ፡፡

የተያዙት የኮንትባንድ እቃዎች የመኪና መለዋወጫ፣ ጎማዎች፣ አዳዲስ አልባሳት ፣ ጫማዎች፣ የቤት ዕቃዎች እና ምግብ ነክ እቃዎች ናቸው ተብሏል፡፡

የኮንትሮባንድ እቃዎቹ ወደ ድሬድዋ ከተማ ሲጓጓዙ አዲጋላ ተብሎ በሚጠራው አካባቢ የኮሚሽኑ አመራሮችና ሰራተኞች፣ የፌዴራል ፖሊስ አባላት እንዲሁም ከመከላከያ ሰራዊት አባላት ጋር በጋራ በመሆን በተደረገ ቅንጅታዊ ሥራ መያዛቸውን የኮሚሽኑ መረጃ ያመላክታል፡፡

ድርጊቱን ለመግታትና በሀገር ኢኮኖሚ የሚያሳድረውን አሉታዊ ተጽእኖ ለመከላከል ኮሚሽኑ ብቻ የሚያደርገው እንቅስቃሴ በቂ ባለመሆኑ ሁሉም ባላድርሻ አካላትና ህብረተሰቡ የበኩሉን ድርሻ እንዲወጣም ኮሚሽኑ መልዕክት አስተላልፏል፡፡

You might also like

Leave A Reply

Your email address will not be published.