Fana: At a Speed of Life!

ከንቲባ አዳነች አቤቤ በወጣቶች ስብዕና ማዕከላት ግንባታ ላበረከቱት አስተዋጽኦ እውቅና ተሰጣቸው

አዲስ አበባ፣ ነሐሴ 10፣ 2015 (ኤፍ ቢ ሲ) ዓለም አቀፍ ፌዴሬሽኖች ከንቲባ አዳነች አቤቤ በአዲስ አበባ ከተማ ለማርሻል አርት መስፋፋት፣ ለስፖርት ማዘውተሪያዎችና ወጣቶች ስብዕና ማዕከላት ግንባታ ላበረከቱት የላቀ አስተዋጽኦ እውቅና ሰጥተዋል፡፡

ለከንቲባዋ እውቅና የሰጡትም ሌጀንድ ማርሻል አርት አካዳሚ ኤንድ ፌዴሬሽን፣ ኮምፖዚት ማርሻል አርት ፌዴሬሽን፣ኢንተርናሽናል ፕሮ ቴክዋንዶ ፌዴሬሽን እና ሁንጊ ቴክዋንዶ ፌዴሬሽን ናቸው፡፡

ከንቲባ አዳነች በከተማዋ ስፖርት ማስፋፋት የሚያስችሉ የማዘውተሪያና የወጣቶች ስብዕና ግንባታ ማዕከላትን በማስገንባታቸው ሽልማቱ መሰጠቱን ፌዴሬሽኖቹ አመልክተዋል፡፡

በአዲስ አበባ ከተማ በስፖርት ዘርፍ መሰረታዊ ለውጥ ማምጣት የሚያስችሉ ስራዎች መሰራታቸውም ተጠቁሟል፡፡

ከስፖርታዊ ውድድርና ልማት ባሻገር በሚሰሯቸው የበጎ ፈቃደኝነት ስራዎች ላይ ከንቲባ አዳነች እየሰሩት ያለውን ስራ እንደሚደግፉም ፌዴሬሽኖቹ አረጋግጠዋል፡፡

ከንቲባ አዳነች አቤቤ በዘርፉ ላበረከቱት አስተዋጽኦም 7ኛ የክብር ዳን፣ የምስጋና ምስክር ወረቀትና የሜዳልያ ሽልማት የተሰጣቸው መሆኑን የከንቲባ ጽህፈት ቤት መረጃ ያመላክታል፡፡

You might also like

Leave A Reply

Your email address will not be published.