Fana: At a Speed of Life!

 የአስቸኳይ ጊዜ አዋጅ አፈጻጸም መርማሪ ቦርድ በይፋ ስራውን ጀመረ

አዲስ አበባ ፣ ነሐሴ 10 ፣ 2015 (ኤፍ ቢ ሲ) የአስቸኳይ ጊዜ አዋጅ አፈጻጸም መርማሪ ቦርድ በይፋ ስራውን ጀመረ፡፡

ቦርዱ በዛሬው እለት ከአስቸኳይ ጊዜ አዋጅ ጠቅላይ መምሪያ እዝ አባላት ጋር የተወያየ ሲሆን በቀጣይ ቀናትም የመስክ ምልከታ እንደሚያደርግ ገልጿል፡፡

በመድረኩም የአስቸኳይ ጊዜ አዋጅ ጠቅላይ መምሪያ እዝ እስካሁን ያከናወናቸውን ስራዎችና የቀጣይ እቅዶች ላይ ውይይት ተደርጓል፡፡

የአስቸኳይ ጊዜ አዋጅ ጠቅላይ መምሪያ እዝ አባል የሆኑት አቶ መለሰ ዓለሙ፥ በውይይቱ በቀጣይ ከአስቸኳይ ጊዜ አዋጅ አፈጻጸም መርማሪ ቦርድ ጋር በጋራ በሚከናወኑ ስራዎች ላይ ምክክር መደረጉን ተናግረዋል፡፡

የአስቸኳይ ጊዜ አዋጅ ጠቅላይ መምሪያ እዝ ሰላምን ለማስፈን እያከናወናቸው ያሉ ተግባራት ላይ ዝርዝር ማብራሪያ መሰጠቱንም ነው ያነሱት፡፡

በአዋጁ አማካኝነት በቁጥጥር ስር የዋሉ ሰዎችን ሰብዓዊ መብት አያያዝ በሚመለከት ለመርማሪ ቦርድ አባላቱ ገለጻ መደረጉንም ጠቅሰዋል፡፡

አዋጁ ተግባራዊ መሆኑን ተከትሎ በአማራ ክልል የጸጥታ ችግር ተከስቶባቸው የነበሩ ዋና ዋና ከተሞችና አካባቢዎችን በአጭር ጊዜ ውስጥ ወደ ሰላማዊ እንቅስቃሴ መመለስ መቻሉንም ነው የተናገሩት።

በዚህም ለህብረተሰቡ አገልግሎት የሚሰጡ የግልና የመንግስት ተቋማት ስራ እንደጀመሩ መናገራቸውን ኢዜአ ዘገቧል።

የአዋጁን ተግባራዊነት ተከትሎ የተፈጠረው ሰላም ለአርሶ አደሩ ማዳበሪያ ተደራሽ ለማድረግ ምቹ ሁኔታ መፍጠሩንም አንስተዋል፡፡

የአስቸኳይ ጊዜ አዋጅ አፈጻጸም መርማሪ ቦርድ ሰብሳቢ አዝመራ አንደሞ በበኩላቸው መርማሪ ቦርዱ ወደ ስራ መግባቱን ጠቅሰው፥ በዛሬው የውይይት መድረክ የአስቸኳይ ጊዜ አዋጅ ጠቅላይ እዝ እስካሁን ያከናወናቸው ተግባራት ላይና የቀጣይ እቅዶች ላይ ዝርዝር መረጃ ማግኘታቸውንም ጠቁመዋል፡፡

ይህንን ተከትሎ በቀጣይ ቀናት ውስጥ በአዲስ አበባና በአማራ ክልል የመስክ ምልከታ እንደሚያደርግም ነው የተናገሩት፡፡

ቦርዱ የአዋጁን አፈጻጸም እየገመገመ ውጤቱን ለህዝብ ይፋ እንደሚያደርግም አስረድተዋል፡፡

You might also like

Leave A Reply

Your email address will not be published.