Fana: At a Speed of Life!

የኢትዮጵያና የቻይና ግንኙነትን በሚያጠናክሩ የኢንቨስትመንት አማራጮች ላይ ውይይት ተካሄደ

አዲስ አበባ፣ ነሐሴ 11፣ 2015 (ኤፍ ቢ ሲ) የኢትዮጵያና የቻይና ግንኙነትን ይበልጥ በሚያጠናክሩ የኢንቨስትምንት አማራጮች ላይ ውይይት ተካሄደ፡፡
የኢንዱስትሪ ሚኒስትሩ መላኩ አለበል÷ በቻይናው የፋይናንስ ምክትል ሚኒስትር ሊያው ሚን የተመራ ልዑክ በጽህፈት ቤታቸው ተቀብለው አነጋግረዋል፡፡
የውይይቱ ትኩረት በሁለቱ ሀገራት መካለል ያለውን የኢንቨስትመንት ትስስር ይበልጥ በማጠናከር የተሻለ ኢኮኖሚያዊ እድገት ለማምጣት ያለመ ነው ተብሏል፡፡
በዚህ ወቅት አቶ መላኩ አለበል÷”ኢንዱስትሪያላይዜሽንን” ለማምጣት ከፖሊሲ እና ስትራቴጂ ዝግጅት ጀምሮ ከቻይና መንግስት መልካም ተሞክሮዎችን ወስደናል ብለዋል፡፡
ዘላቂና ቀጣይነት ያለው እድገት ለማምጣትም የግሉን ዘርፍ ለመደገፍ መንግስት ትኩረት ሰጥቶ እየሰራ መሆኑን ጠቅሰዋል፡፡
የቻይና መንግስት የአቅም ግንባታ ድጋፎች፣ አቅም ያላቸው አዳዲስ ባላሃብቶችን በመሳብ፣ በሀገራቱ መካከል ያለውን የንግድ ምጣኔ ሃብት ሚዛናዊ በማድረግ፣ የሁለትዮሽ ንግድ ግንኙነት ማጠናከርና የመሰረት ልማት ድጋፎችን እንዲያደርግ ጥሪ አቅርበዋል፡፡
ኢትዮጵያ እያስመዘገበች ያለው ሀገራዊ የምርት እድገት የሚያበረታታ ነው ያሉት የቻይናው የፋይናንስ ምክትል ሚኒስትር ሊያው ሚን÷ ሀገራቸው ኢንቨስትመንትን በተመለከተ ኢትዮጵያን ዋና መዳረሻ አድርገው እየሰሩ መሆኑን ገልጸዋል፡፡
የኢትዮጵያን ”ኢንዱስትሪያላይዜሽንን”ለማፋጠንም በአይሲቲ ዘርፍ የቻይናውያን ባላሃብቶች ተሳትፎ ቢያደርጉ አዋጭ እንደሚያደርጋቸው መግለጻቸውን የኢንዱስትሪ ሚኒስቴር መረጃ ያመላክታል፡፡
You might also like

Leave A Reply

Your email address will not be published.