Fana: At a Speed of Life!

በቂሊንጦ ኢንዱስትሪ ፓርክ የአውሮፕላን ክፍሎችን ለማምረት የመግባቢያ ሰነድ ተፈረመ

አዲስ አበባ፣ ነሐሴ 12፣ 2015 (ኤፍ ቢ ሲ) በቂሊንጦ ኢንዱስትሪ ፓርክ ሼድ በመገንባት የተለያዩ የአውሮፕላን ክፍሎችን ማምረት የሚያስችል የመግባቢያ ሰነድ ተፈርሟል፡፡

ስምምነቱን የኢትዮጵያ አየር መንገድ ከኢትዮጵያ ኢንቨስትመንት ኮሚሽን እና ከኢንዱስትሪ ፓርኮች ልማት ኮርፖሬሽን ጋር ተፈራርሟል፡፡

የኢትዮጵያ አየር መንገድ ዋና ስራ አስፈፃሚ መስፍን ጣሰው÷ፕሮጄክቱ የአውሮፕላን የውስጥ ክፍሎችን ሀገር ውስጥ አምርቶ ለአውሮፕላን አምራቾች በማቅረብ ከፍተኛ የውጭ ምንዛሪን ያስገኛል ብለዋል።

የኢንዱስትሪ ፓርኮች ልማት ኮርፖሬሽን ዋና ስራ አስፈፃሚ አክሊሉ ታደሰ በበኩላቸው÷ የኢትዮጵያውያንና አፍሪካውያን ኩራት የሆነው የኢትዮጵያ አየር መንገድ በማኑፋክቸሪንግ ዘርፍ መሰማራቱ ትልቅ ኩራት መሆኑን ገልጸዋል።

ኮርፖሬሽኑ ፕሮጀክቱ ተጀምሮ እስከሚጠናቀቅ ድረስ አስፈላጊውን ድጋፍ ለማድርግ ቁርጠኛ መሆኑንም አረጋግጠዋል፡፡

ፕሮጀክቱ በ15 ሚሊየን የአሜሪካ ዶላር ወጪ የሚተገበር ሲሆን÷ ከ300 በላይ ለሚሆኑ ዜጎችም የስራ ዕድል ይፈጥራል ተብሎ ይጠበቃል፡፡

You might also like

Leave A Reply

Your email address will not be published.