Fana: At a Speed of Life!

ጠ/ሚ ዐቢይ (ዶ/ር) እና ፕሬዚዳንት ቢን ዛይድ የውሃ እና ኢነርጂ አውደ ርዕይን ከፈቱ

አዲስ አበባ ፣ ነሐሴ 12 ፣ 2015 (ኤፍ ቢ ሲ) ጠቅላይ ሚኒስትር ዐቢይ አሕመድ (ዶ/ር) እና የተባበሩት ዓረብ ኢሚሬቶች ፕሬዚዳንት መሀመድ ቢን ዛይድ አል ናህያን በኢትዮጵያ ሳይንስ ሙዚየም የውሃ እና ኢነርጂ አውደ ርዕይን በይፋ ከፍተዋል።

ጠቅላይ ሚኒስትር ዐቢይ (ዶ/ር) በማኅበራዊ ትስስር ገጻቸው ባሰፈሩት ጽሑፍ÷ “ኢትዮጵያ የተትረፈረፈ የተፈጥሮ ሀብትና እምቅ አቅም ባለቤት ናት” ብለዋል።

“ዛሬ ከወንድሜ ሼክ ሙሀመድ ቢን ዛይድ ጋር የከፈትነው የሳይንስ ሙዚየም አውደ ርዕይ የሀገራችንን ከፍተኛ የውሃ እና የኢነርጂ አቅም ያሳያል” ሲሉም ገልጸዋል፡፡

የኢትዮጵያን የውሃ እና የኢነርጂ ሀብቶች እንዲሁም እምቅ አቅምን ለማሳየት ያለመው አውደ ርዕይ ለሚቀጥሉት ሳምንታት ለሕዝብ ክፍት እንደሚሆን ተመላክቷል፡፡

ዛሬ ለይፋዊ የስራ ጉብኝት አዲስ አበባ የገቡት ፕሬዚዳንት ቢን ዛይድ÷ ከጠቅላይ ሚኒስትር ዐቢይ (ዶ/ር) ጋር በተለያዩ የሁለትዮሽ ጉዳዮች ላይ መምከራቸው ይታወቃል፡፡

ከውይይታቸው በኋላም የአረንጓዴ ዐሻራቸውን አኑረዋል፡፡

You might also like

Leave A Reply

Your email address will not be published.