Fana: At a Speed of Life!

ኢግልድ ለትግራይ ክልል መሰረታዊ የፍጆታ እቃዎችን እያቀረበ መሆኑን ገለጸ

አዲስ አበባ፣ ነሐሴ 13፣ 2015 (ኤፍ ቢ ሲ) የኢንዱስትሪ ግብዓቶችን እና መሰረታዊ የፍጆታ እቃዎችን በተመጣጣኝ ዋጋ ለትግራይ ክልል እያቀረበ መሆኑን የኢንዱስትሪ ግብዓቶች ልማት ድርጅት (ኢግልድ) አስታውቋል፡፡

ድርጅቱ ከሰላም ስምምነቱ በኋላ በትግራይ ክልል የሚስተዋለውን የመሰረታዊ ፍጆታ እቃዎች አቅርቦት ችግር ለመቅረፍ ከሚመለከታቸው አካላት ጋር በቅንጅት እየሰራ መሆኑ ተገልጿል፡፡

በትግራይ ክልል የሚገኙ ቅርንጫፎች በሙሉ አቅማቸው ስራ እዲጀምሩ መደረጉንም የኢግልድ ስራ አስፈጻሚ ወ/ሮ የሺመቤት ነጋሽ ተናግረዋል፡፡

በዚህ መሰረትም ጤፍ፣ ዘይት፣ ስኳር፣ ማካሮኒ፣ ፓስታ እና ሌሎች መሰረታዊ የፍጆታ እቃዎችን በተመጣጣኝ ዋጋ በሁሉም የክልሉ አካባቢዎች ለገበያ እየቀረቡ ነው ብለዋል፡፡

ከዚህ ባለፈም የኢንዱስትሪ ግብዓቶችና የንጽሕና መጠበቂያ ቁሶች ለክልሉ እየቀረቡ መሆኑን ዋና ስራ አስፈጻሚዋ አስረድተዋል፡፡

በሌላ በኩል ድርጅቱ ለቀጣዩ የትምህርት ዘመን ደብተር እና መሰል የትምህርት ግብዓቶችን በተመጣጣኝ ዋጋ ማቅረቡን ጠቁመዋል፡፡

በቀጣይም የአቅርቦት ክፍተቶችን መሰረት በማድረግ መሰረታዊ የፍጆታ እቃዎችን የማቅረቡ ሒደት በቅንጅት ይሰራል ብለዋል፡፡

በመላኩ ገድፍ

You might also like

Leave A Reply

Your email address will not be published.