Fana: At a Speed of Life!

ርዕሳነ መስተዳድሮች ለደቡብ ኢትዮጵያና ማዕከላዊ ኢትዮጵያ ክልሎች የመልካም ምኞት መግለጫ መልዕክት አስተላለፉ

አዲስ አበባ፣ ነሐሴ 13፣ 2015 (ኤፍ ቢ ሲ) የተለያዩ ክልሎች ርዕሳነ መስተዳድሮች የደቡብ ኢትዮጵያና ማዕከላዊ ኢትዮጵያ ክልሎች ምስረታን አስመልክቶ ‘እንኳን ደስ አላችሁ’ ሲሉ የመልካም ምኞት መግለጫ መልዕክት አስተላልፈዋል፡፡

የሲዳማ ክልል ርዕሰ መስተዳድር ደስታ ሌዳሞ÷ ለክልሎቹ ባስተላለፉት መልዕክት የሲዳማ ህዝብ ከጥንት ጀምሮ ከአጎራባች ወንድምና እህቶቹ ጋር በመልካም ግንኙነት የኖረ ህዝብ ነው ብለዋል፡፡

“አቶ ጥላሁን ከበደ እና አቶ እንደሻው ጣሰው አዳዲሶቹን ክልሎች ለመምራት ርዕሰ መስተዳድር ሆናችሁ በመሾማችሁ ደስ ብሎናል” ሲሉም ገልጸዋል።

የጋምቤላ ክልል ርዕሰ መስተዳድር ኡሞድ ኡጁሉ በበኩላቸው÷ ሕገ መንግሥታዊ ስርዓቱን ባከበረ መልኩ የኢትዮጵያ ብሔሮች ብሔረሰቦች እና ህዝቦች የልማትና የመልካም አስተዳደር ጥያቄ ደረጃ በደረጃ እየተፈቱ እንደሚሄዱ የክልሎቹ ምስረታ ማሳያ መሆኑን ገልጸዋል፡፡

የክልሎቹ መሪ ሆነው የተሾሙት አቶ ጥላሁን ከበደ እና አቶ እንዳሻው ጣሰው መልካም የስራ ዘመን እንዲገጥማቸውም ተመኝተዋል።

የሐረሪ ክልል ርዕሰ መስተዳድር ኦርዲን በድሪ÷ የለውጡ ትሩፋትና የህዝቦች የጋራ ትግል ውጤት ለሆነው ለአዲሱ የደቡብ ኢትዮጵያ ክልል ህዝቦች እንኳን ደስ ያላችሁ ሲሉ መልካም ምኞታቸውን ገልጸዋል።

የአዳዲስ ክልሎች መዋቀር መንግሥት ለትክክለኛ ፌደራሊዝም እውን መሆን ያለውን ቁርጠኝነት ያሳያልም ሲሉ ተናግረዋል።

የደቡብ ምዕራብ ኢትዮጵያ ህዝቦች ክልል ምክትል ርዕሰ መስተዳድር ኢንጂነር ነጋሽ ዋጌሾ (ዶ/ር)÷ ለክልሎቹ ባስተላለፉት የእንኳን ደስ ያላችሁ መልዕክት የቀድሞ ደቡብ ብ/ብ/ሕ/ ክልላዊ መንግሥት ዛሬም በሕዝቦቻቸው ነፃ ፈቃድ አዳዲስ ክልሎችን በይፋ መሥርተዋል ብለዋል፡፡

ክልሎቹን ለማስተዳደር የተመረጡ መሪዎችም ያካበቱትን ልምድና እውቀት ተጠቅመው ክልሎቹን ወደተሻለ ደረጃ ለማድረስ አስተዋጽኦ እንደሚያደርጉ እምነት እንዳላቸው ገልጸዋል።

You might also like

Leave A Reply

Your email address will not be published.