Fana: At a Speed of Life!

በመዲናዋ የልዩ የኢኮኖሚ ዞን ግንባታ ይፋ ሆነ

አዲስ አበባ ፣ ነሐሴ 15 ፣ 2015 (ኤፍ ቢ ሲ) የአዲስ አበባ ከተማ አስተዳደር ከቻይናው ኤፍ ኤች ኢ ሲ ኩባንያ ጋር በሽርክና የሚያስገነባው ልዩ የኢኮኖሚ ዞን ግንባታ ይፋ ተደርጓል፡

የከተማ አስተዳደሩ ለዚህ ፕሮጀክት የሚሆን መሬት በወቅታዊ የሊዝ ዋጋ አስልቶ ማቅረቡን የከንቲባ ጽሕፈት ቤት መረጃ ያመላክታል፡፡

የቻይናው ኤፍ ኤች ኢ ሲ ኩባንያ  ደግሞ ወቅቱ የደረሰበትን ቴክኖሎጂ ፣ ፋይናንስና ግብዓት በማቅረብ ግንባታውን  እንደሚያከናውን ተገልጿል፡፡

ጎተራ አካባቢ የሚገነባው ይህ ልዩ የኢኮኖሚ ዞን ዘመኑ ያፈራቸውን ቴክኖሎጂዎች በመጠቀም የሚገነባ ነው ተብሏል፡፡

በውስጡም ዓለም አቀፋዊ የኢኮኖሚና የንግድ ዞን ፣ የትምህርት እና የባህል ዞን፣ የፋይናንስና ቢዝነስ ዞን እንዲሁም ዘመናዊ የመኖሪያ ቤት ዞንን እንደሚያካትት ተጠቁሟል፡፡

ፕሮጀክቱ ወደ ከተማዋ የሚመጡ የውጭ ሀገር ዜጎችን ቁጥር በመጨመር ዓለም አቀፍ ሚናዋን እንደሚያጎላ ታምኖበታል፡፡

 

You might also like

Leave A Reply

Your email address will not be published.