Fana: At a Speed of Life!

በሲዳማ ክልል ከብልሹ አሰራር ጋር በተያያዘ 25 ሰዎች በቁጥጥር ስር ዋሉ

አዲስ አበባ፣ ነሐሴ 15፣ 2015 (ኤፍ ቢ ሲ) ሰሞኑን ለ10 ቀናት በሲዳማ ክልል በተካሄደ የግምገማ መድረክ 25 ሰዎች ከብልሹ አሰራርና ከስርቆት ጋር በተያያዘ በህግ ቁጥጥር ስር እንዲውሉ መደረጉ ተገለጸ፡፡

በተጨማሪም 10 ከፍተኛ አመራሮች ከኃላፊነት እንዲነሱ ተደርጓል፡፡

የሲዳማ ክልል የ2015 ዓ.ም የፓርቲና የመንግስት ስራዎች አፈፃፀም የግምገማና የ2016 ዓ.ም የዕቅድ ትውውቅ መድረክ የማጠቃለያ መርሃ ግብር ተካሂዷል፡፡

በመድረኩ የሲዳማ ክልል ርዕሰ መስተዳድር ደስታ ሌዳሞ እንደገለፁት÷ ባለፉት ዓመታት በተለያየ ዘርፍ በግብርና፣ በጤና፣ በትምህርት ሴክተር እና በልማት ስራዎች አመርቂ ውጤት ተመዝግቧል።

አደናቃፊ ሁኔታዎችን በመለየትና በመታገል ስራዎቻችን ለህዝብ ተደራሽ ለማድረግ ህዝብን የሚጎዱ ተግባራትን አንጥሮ በማውጣት የታገልንበት መድረክ ነው ብለዋል።

ባለፉት ወራት ግብዓትን ለህዝብ ሳይደርስ በህገወጥ መልክ የመሸጥ አዝማሚያ መታየጡን አንስተዋል፡፡

ወደ መድረክ ከመምጣታችን በፊት ከህዝብ መረጃ መሰብሰባችን አጥፊዎችን ለመለየት አስችሎናል ያሉት አቶ ደስታ÷ ሐዋሳ ከተማ ላይም ከፍተኛ ሌብነትና ብልሹ አሰራር መታየቱን ገልጸዋል፡፡

የግምገማ መድረኩ እየተካሄደ ባለበት ከተጠያቂነት ለማምለጥ አቋርጠው በመውጣት የሸሹ ግለሰቦች ስለመኖራቸውም አንስተዋል፡፡

በተደረገው ማጣራት 97 ሰዎች ከማዳበሪያ ግብዓት ጋር በተያያዘ ለህግ እንዲቀርቡ እየተሰራ ነው ማለታቸውን የክልሉ ኮሙኒኬሽን ቢሮ መረጃ ያመላክታል፡፡

ሁለት የወረዳ አስተዳዳሪን ጨምሮ በየደረጃው ተባባሪ የሆኑ ግለሰቦችን በህግ እንዲጠየቁ ተደርጓል ብለዋል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.