Fana: At a Speed of Life!

አፍሪካ ከነዳጅ ጥገኝነት የመላቀቅ ተስፋ እንዳላት ተገለጸ

አዲስ አበባ፣ ነሐሴ 15፣ 2015 (ኤፍ ቢ ሲ) አፍሪካ በነዳጅ ላይ ካላት ጥገኝነት የመላቀቅ ተስፋ እንዳላት የአካባቢ ጥበቃ ባለሙያዎች ገለጹ፡፡
በአሁኑ ጊዜ አህጉሪቱ 52 በመቶ ታዳሽ ባልሆነው የነዳጅ ሃይል ላይ ጥገኛ ናት ያሉት ባለሙያዎቹ÷ እንደ ፀሀይ፣ ንፋስ እና ጋዝ ያሉ የተፈጥሮ ሀብቶቿን በመጠቀም በነዳጅ ላይ ያለውን ጥገኝነት መቀነስ እንደሚቻል ያለውን ተስፋ ገልጸዋል።
በቅርቡ በአዲስ አበባ የተካሄደው የአፍሪካ የሚኒስትሮች ጉባኤ የአፍሪካ አገራት የአየር ንብረት ለውጥን ለመከላከልና የፕላስቲክ ብክለትን ለመቀነስ በሚያስችሉ የጋራ መፍትሄዎች ዙሪያ መምከራቸው ተገልጿል፡፡
በፈጣን የኢንዱስትሪ ልማት ላይ የምትገኘው አፍሪካ የካርቦን ልቀቷና የበካይ ጋዝ አማቂ አረንጓዴ ልማቷ እየጨመረ ይሄዳል ሲሉ የዓለም የዱር እንስሳት ፈንድ የምስራቅና ደቡብ አፍሪካ ቀጣናዊ ዳይሬክተር ዳውዲ ሱምባ ተናግረዋል።
አሁን ላይ አህጉሪቱ በአየር ንብረት ለውጥ ተፅዕኖ እየተሰቃየች ነው ያሉት ዳይሬክተሩ÷ አፍሪካ ሚናዋን ለመለየት እየተንቀሳቀሰች መሆኑን ነው ተስፋ የምናደርገው ብለዋል፡፡
አህጉሪቱ ብክለትን በመቀነስ ረገድም ሚና እንዳላት በመጥቀስ ችግሩ እያስከተለ ካለው ተፅዕኖ አኳያም መላመድ ዋነኛው ጉዳይ በመሆኑ ሁለቱን ማመጣጠን እንደሚገባም ማንሳታቸውን ኤስኤቢሲ ዘግቧል፡፡
ደቡብ አፍሪካን በመወከል በጉባኤው የተገኙት የደን፣ ዓሳ ሀብትና አካባቢ ጥበቃ ሚኒስትር ባርባራ ክሪሲ ሀሳባቸውን ማቅረባቸው ተመላክቷል፡፡
የተባበሩት መንግስታት የአየር ንብረት ለውጥ ጉባኤ (ኮፕ 28) ለአየር ንብረት ለውጥ ተፅእኖዎች ተጋላጭነትን ለመቀነስና የዓለም አቀፍ መላመድ ግብን፣ የኪሳራና የጉዳት ፈንድና የቅናሽ ሥራ መርሃ ግብር እንደሚያስፈልግ አስገንዝበዋል።
በተጨማሪም ለሥራው የሚሆኑ የአሰራር ዘዴዎችን ተግባራዊ ለማድረግ ቁልፍ ተግባራትን ማከናወን እንደሚገባ ጠቁመዋል።
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.