Fana: At a Speed of Life!

በቀጣዩ ዓመት የኢ-ትኬቲንግ አሰራርን ለመጀመር ዝግጅት መጠናቀቁ ተገለጸ

አዲስ አበባ፣ ነሐሴ 16፣ 2015 (ኤፍ ቢ ሲ) በተያዘው በጀት ዓመት ዘመናዊ የትኬት አቆራረጥ አገልግሎት (ኢ-ትኬቲንግ) አሰራርን ለመጀመር ዝግጅት ማጠናቀቁን የትራንስፖርትና ሎጅስቲክስ ሚኒስቴር አስታወቀ፡፡

የትራንስፖርትና ሎጅስቲክስ ሚኒስትር ዴኤታ አቶ ባርኦ ሀሰን÷ ከትኬት አቆራረጥ አንስቶ እስከ ጉዞ መዳረሻ ድረስ ዘመናዊ የአገልግሎት አሰራር ጉድለት በመናኸሪያ ተቋማት ውስጥ እንደሚታይ አንስተዋል፡፡

በአዲስ አበባ በሚገኙ የሀገር አቋራጭ የትራንስፖርት አገልግሎት መስጫ መናኸሪያዎች ውስጥ ከትራንስፖርት ታሪፍ ጭማሪ አንስቶ ተገልጋዮች የሚገጥማቸውን እንግልት ለማስቀረት እየተሰራ ነው ብለዋል፡፡

በ2016 ዓ.ም በተለያዩ የአዲስ አበባ አካባቢዎች በሚገኙ የሀገር አቋራጭ የትራንስፖርት አገልግሎት መስጫ መናኸሪያዎች ላይ የኢ-ትኬቲንግ አሰራር ተግባራዊ እንደሚደረግ አረጋግጠዋል፡፡

ለዚህም አስፈላጊው ዝግጅት መጠናቀቁን ነው ሚኒስትር ዴኤታው ለፋና ብሮድካስቲንግ ከፖርፖሬት የተናገሩት፡፡

የአገልግሎቱ መጀመርም የሀገር አቋራጭ የትራንስፖርት አገልግሎትን የሚጠቀሙ ተገልጋዮች የሚደርስባቸውን እንግልት እና የታሪፍ ጭማሪ እንደሚያስቀር ጠቁመዋል፡፡

በብርሃን ደሳለኝ

You might also like

Leave A Reply

Your email address will not be published.