Fana: At a Speed of Life!

ፕሬዚዳንት ሺ በ15ኛው ብሪክስ የመሪዎች ጉባዔ ላይ ለመሳተፍ ደቡብ አፍሪካ ገቡ

አዲስ አበባ፣ ነሐሴ 16፣ 2015 (ኤፍ ቢ ሲ) የቻይናው ፕሬዚዳንት ሺ ጂን ፒንግ በ15ኛው ብሪክስ የመሪዎች ጉባዔ ላይ ለመሳተፍ ደቡብ አፍሪካ ገብተዋል፡፡

ፕሬዚዳንቱ ጆሃንስ በርግ ሲደርሱ÷ በደቡብ አፍሪካው ፕሬዚዳንት ሲሪል ራማፎሳና ሌሎች የሀገሪቱ ከፍተኛ የሥራ ኃላፊዎች አቀባበል ተደርጎላቸዋል፡፡

ከፕሬዚዳንት ሺ ጋር የቻይና ኮሙኒስት ፓርቲ ማዕከላዊ ኮሚቴ ዋና ዳይሬክተርና የፖለቲካ ቢሮ ቋሚ ኮሚቴ አባል ካይ ኪ እንዲሁም የፓርቲው ማዕከላዊ ኮሚቴ የፖለቲካ ቢሮ አባልና የውጭ ጉዳይ ሚኒስትር ዋንግ ይንን ጨምሮ ሌሎች የሥራ ኃላፊዎች ደቡብ አፍሪካ ገብተዋል፡፡

ፕሬዚዳንት ሺ፥ ደቡብ አፍሪካን በድጋሚ በመጎብኘታቸው መደሰታቸውን ገልጸዋል፡፡

ከፕሬዚዳንት ራማፎሳ ጋርም በቻይና-ደቡብ አፍሪካ ግንኙነት እና የጋራ ተጠቃሚነት ጉዳዮች ላይ ውይይት እንደሚያደርጉ አመላክተዋል፡፡

ዘንድሮ በቻይና እና ደቡብ አፍሪካ መካከል ዲፕሎማሲያዊ ግንኙነት የተጀመረበት 25ኛ ዓመት መከበሩንም ፕሬዚዳንት ዢ አስታውሰዋል፡፡

የሀገራቱ ሁሉ-አቀፍ ስትራቴጂካዊ አጋርነት ወደ አዲስ ምዕራፍ ተሸጋግሯል ማለታቸውን ሲ ጂ ቲ ኤን ዘግቧል፡፡

ጠንካራና እያደገ የመጣው የቻይና-ደቡብ አፍሪካ ግንኙነት የሀገራቱን ህዝቦች ተጠቃሚነት ከማረጋገጥ ባለፈ÷ በለውጥ እና በትርምስ ውስጥ ላለው ዓለም የበለጠ መረጋጋትን እንደሚያመጣ አንስተዋል፡፡

ለአዳዲስ የቢዝነስ እንቅስቃሴዎችና ለታዳጊ ሀገራት ቁልፍ የትብብር መድረክ የሆነው ብሪክስ፥ ለዓለም ኢኮኖሚ ዕድገት፣ ለተሻለ ዓለም አቀፍ አስተዳደር እና የላቀ ዴሞክራሲ ለዓለም አቀፍ ግንኙነት ገንቢ መሆኑን አንስተዋል፡፡

የብሪክስ ጉባዔ፥ ለብሪክስ አሰራር እድገት ወሳኝ ምዕራፍ እንደሚሆንና በማደግ ላይ ያሉ ሀገራትን አንድነትና ትብብር ወደ ላቀ ደረጃ ለማሸጋገር እንደሚያግዝ ያላቸውን እምነት ገልፀዋል።

#SouthAfrica #China #BRICS

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.