አዲስ አበባ፣ ነሐሴ 17፣ 2015 (ኤፍ ቢ ሲ) ምሽቱን በተካሄደው የ5 ሺህ ሜትር እና 3 ሺህ ሜትር የሴቶች መሠናክል የማጣሪያ ውድድር የተሳተፉ ሰባት አትሌቶች ወደ ፍጻሜ አልፈዋል፡፡
በተደረገው የ5 ሺህ ሜትር የማጣሪያ ውድድር÷ አትሌት ጉዳፍ ፀጋይ 2ኛ እንዲሁም አትሌት እጅጋየሁ ታዬ 3ኛ ደረጃን በመያዝ ከየምድባቸው ማጠናቀቃቸውን የአትሌቲክስ ፌደሬሽን መረጃ ያመላክታል፡፡
እንዲሁም አትሌት ፍሬወይኒ ኃይሉ 4ኛ እና አትሌት መዲና ኢሳ 6ኛ ደረጃን ይዘው ከየምድባቸው በማጠናቀቃቸው ነው ለፍጻሜ የደረሱት፡፡
በተመሳሳይ ምሽቱን በተካሄደ የ3 ሺህ ሜትር የሴቶች የመሠናክል ማጣሪያ ውድድር ሁሉም ተወዳዳሪዎች ማለትም÷ አትሌት ሎሚ ሙለታ፣ አትሌት ሲምቦ ዓለማየሁ እና አትሌት ዘርፌ ወንድማገኝ ወደ ቀጣዩ የውድድር መርሐ ግብር አልፈዋል፡፡
#Ethiopia
ወቅታዊ፣ትኩስ እና የተሟሉ መረጃዎችን ለማግኘት፡- ድረ ገጽ፦ https://www.fanabc.com/ ፌስቡክ፡- https://www.facebook.com/fanabroadcasting ዩትዩብ፦ https://www.youtube.com/c/fanabroadcastingcorporate/ ቴሌግራም፦ https://t.me/fanatelevision ትዊተር፦ https://twitter.com/fanatelevision በመወዳጀት ይከታተሉን፡፡ ኢንስታግራም፦ https://www.instagram.com/fana_television/ ቲክቶክ፦ https://www.tiktok.com/@fana_television
ዘወትር፦ ከእኛ ጋር ስላሉ እናመሰግናለን!