Fana: At a Speed of Life!

የዋግነር ቡድን መሪ የቭጌኒ ፕሪጎዢን እና የቡድን አጋሮቹ በአውሮፕላን አደጋ ህይወታቸው ማለፉ ተሰማ

አዲስ አበባ፣ ነሐሴ 18፣ 2015 (ኤፍ ቢ ሲ) በሩሲያ የሚገኘው የዋግነር ቡድን መሪ የቭጌኒ ፕሪጎዢን እና የቡድን አጋሮቹ በአውሮፐላን አደጋ ህይወታቸው ማለፉን መገናኛ ብዘሁን እየዘገቡ ነው፡፡

የሩሲያ አቪየሽን ባለስልጣናትን ጠቅሶ ቢቢሲ እንደዘገበው የታጣቂው ዋግነር ቡድን መሪው የቭጌኒ ፕሪዢንን ጨምሮ 10 የቡድንኑ አባላት የያዘች የግል አውሮፕላን በምዕራብ ሩሲያ ኩዙኪኖ በተባለች መንደር አቅራቢያ ተከስክሳለች፡፡

የሩሲያ ባለስልጣናት የተከሰተውን የአውሮፕላን አደጋ ምክንያት ለማወቅ ምርምራ መጀመራቸውም ተገልጿል፡፡

በአካባቢው የነበሩ የአይን እማኞች ÷ በአካባቢው ሁለት የፍንዳታ ድምፅ መስማታቸውን እና የ’ቅጥረኛ ተዋጊ ቡድኑን’ አባላት የያዘችው አውሮፕላን ከፍንዳታው በኋላ መከስከሷን ለቢቢሲ አስረድተዋል፡፡

ይሁን እንጅ የዋግነር ቡድን አባላትን በያዘቸው አውሮፕላን ላይ ጥቃት ተፈፅሟል ለማለት በቂ ማስረጃ የለም ነው የተባለው።

ፕሪጎዢን ለመጨረሻ ጊዜ በአፍሪካ ውስጥ በውል ባልታወቀ አንድ ቦታ ላይ እንደሚገኝ በተንቀሳቃሽ ምስል ታይቶ እንደነበር ቢቢሲ በዘገባው አስታውሷል፡፡

You might also like

Leave A Reply

Your email address will not be published.