Fana: At a Speed of Life!

የእናቶችና ሕፃናትን ጤና የሚያሻሽል የ2 ነጥብ 6 ቢሊየን ብር ፕሮጄክት ይፋ ሆነ

አዲስ አበባ፣ ነሐሴ 19፣ 2015 (ኤፍ ቢ ሲ) የአሜሪካ ዓለም አቀፍ ልማት ተራድዖ ድርጅት የእናቶች እና ሕፃናትን ጤና ለማሻሻል የሚውል የ2 ነጥብ 6 ቢሊየን ብር በላይ ፕሮጄክት ይፋ አድርጓል፡፡

ፕሮጄክቱን የድርጅቱ ተልዕኮ በኢትዮጵያ ዳይሬክተር ስኮት ሆክላንድ እና የጤና ሚኒስትር ዴኤታ ዶክተር ደረጀ ዱጉማ ይፋ አድርገዋል፡፡

መርሐ-ግብሩ በኢትዮጵያ ሥድስት ክልሎች እንደሚተገበርም በኢትዮጵያ የአሜሪካ ኤምባሲ መረጃ ያመለክታል፡፡

የተለዩት ክልሎችም ኦሮሚያ፣ አማራ፣ ሲዳማ፣ ማዕከላዊ ኢትዮጵያ፣ ደቡብ ኢትዮጵያና የደቡብ ምዕራብ ኢትዮጵያ ሕዝቦች ክልሎች መሆናቸው ተገልጿል፡፡

መርሐ ግብሩ በኢትዮጵያ የገጠሪቷ ክፍል ተጋላጭ የሆኑ እናቶችን እና ሕፃናትን የሚያጠቁ ማለትም የእናቶች የድኅረ ወሊድ ደም መፍሰስ ፣ የጨቅላ ሕፃናት የሳንባ ምችና ሌሎች ሕመሞችን ለመቆጣጠር ያስችላል ተብሏል።

በቀጣይ ፕሮጄክቱ በተቀሩት የኢትዮጵያ ክፍሎች የሚገኙ የኅብረተሰብ ክፍሎችን እንደሚያካትት ተጠቁሟል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.