Fana: At a Speed of Life!

በማዕከላዊ ኢትዮጵያ ክልል የልማትና የመልካም አስተዳደር ችግሮችን ለመፍታት እንደሚሰራ ተገለጸ

አዲስ አበባ፣ ነሐሴ 19፣ 2015 (ኤፍ ቢ ሲ) የክልሉን ህዝብ በማስተባበር የልማትና የመልካም አስተዳደር ችግሮችን ለመፍታት ቅድሚያ ተሰጥቶ እንደሚሰራ የማዕከላዊ ኢትዮጵያ ክልል ምክትል ርዕሰ መስተዳድር እንዳሻው ጣሰው አስታወቁ።

አቶ እንዳሻው ጣሰው ፥ በክልሉ መንግሥት የትኩረት አቅጣጫ መሰረት ህዝቡ ቅድሚያ እንዲፈቱለት የሚፈልጋቸው ችግሮችን በመለየት ለመፍታት በየደረጃው ለመስራት መታቀዱን ገልጸዋል።

ትኩረት የሚደረግባቸውን ዋና ዋና ተግባራትን በመለየት የ100 ቀን ዕቅድ መነደፉንም ነው ምክትል ርዕሰ መስተዳድሩ የተናገሩት።

ዕቅዱን ለማሳካትም ክልሉ ያለውን አቅምና ጸጋ ወደ ውጤት በመቀየር የህዝቡን ተጠቃሚነት የሚያረጋግጡ ተግባራት ተፈጻሚ ይሆናሉ ማለታቸውን ኢዜአ ዘግቧል።

ከህዝቡ ጋር በሚደረጉ ውይይቶች የሚነሱ የልማትና የመልካም አስተዳደር ጥያቄዎችን በመለየት በዕቅድ አካቶ ወደ ስራ እንደሚገባም ነው ያስታወቁት።

ቀደም ሲል የተጀመሩ የልማት ስራዎች የህዝቡን ተሳትፎና ተጠቃሚነት ባረጋገጠ መልኩ እንዲቀጥሉ አመራሩ በትኩረት መስራት እንዳለበትም አሳስበዋል።

#ethiopia

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.