Fana: At a Speed of Life!

የላሊበላ ቅርሶችን በተመለከተ‼️ ነዋሪዎችን እና አስጎብዎችን ከቦታው፤ የቅርስ ጥበቃ ባለሥልጣን እና ክልሉን አናግረናል።

“የቅዱስ ላሊበላ አብያተክርስቲያናት ከፍተኛ አደጋ ላይ ናቸው” በሚል አንድ ሚሊዮን ተከታዮች ያሉት ZeEthiop የፌስቡክ ገጽ ትናንት መረጃ አጋርቷል። የፕሬስ መረጃ ማጣሪያ የቅርስ ጥበቃ ባለሥልጣን ዋና ዳይሬክተር አበባው አያሌውን (ረ/ፕሮፌሰር) በፌስ ቡክ የተሰራጨውን መረጃ ልከንላቸው አይተውታል።
“ባጭሩ የላካችሁልኝ መረጃ ትክክለኛ አይደለም።” ብለዋል። በተባለውም ጊዜ ሆነ ከዚያ ውጭ የላሊበላ ቅርሶችን አደጋ ላይ የጣለ ምንም አይነት ክስተት አለመኖሩን አረጋግጠዋል።
የአማራ ክልል ባህልና ቱሪዝም ምክትል ቢሮ ኃላፊ አቶ ዓባይ መንግሥቴም በፌስቡክ የተጋራው መረጃ ሀሰተኛ መሆኑን ነግረውናል። “ትናንትም ሆነ ዛሬ በላሊበላ ከተማ በሚገኙ የቱሪዝም መዳረሻዎች ቱሪስቶች በሚፈለገው ደረጃ እየተንቀሳቀሱ ጉብኝት እያደረጉ ይገኛሉ፡” ብለዋል።
ለላሊበላ አብያተክርስቲያናትም ሆነ ለአካባቢው ማሕበረሰብ ስጋት የሚሆን የጸጥታ መደፍረስም ሆነ የከባድ መሣሪያ ልውውጥ አለመኖሩን አረጋግጠዋል፡፡
በላሊበላ አብያተክርስቲያናት አካባቢው ከባድ መሣሪያ ተጠምዷል፤ ቅርሶችም አደጋ ውስጥ ነው በሚል የሚናፈሰው መረጃ ሀሰት መሆኑን የነገሩን ሲሆን ይህንኑ መረጃ በከተማው የአስጎብኝዎች ማኅበር አባላት አረጋግጠናል።
“በከተማዋ ሰላም ሰፍኗል፤ ጎብኝዎችም ውቅር አብያተ ክርስቲያናቱን እየጎበኙ ይገኛል።
በየቀኑም የውጭ አገራት ቱሪስቶችን እየተቀበልን እያስተናገድን ነው ያሉት አስጎብኝዎች፣ የአየር በረራ መልሶ ከጀመረበት ጊዜ አንስቶ እስከዛሬዋ እለት ድረስ የውጭ ጎብኝዎችን ሳናስተናግድ የዋልንበት ቀን የለም ሲሉ ነግረውናል።
በዚሁ ጉዳይ ላይ የላሊበላ ከተማ ነዋሪዎችን አነጋግረናል። ቅርሱን አደጋ ላይ ሊጥል የሚችል የከባድ መሣሪያ ተኩስ በቅርሱ አቅራቢያ ተደረገ የተባለው መረጃ ሀሰት መሆኑን ነግረውናል።
የላሊበላ አብያተክርስትያናት ረጅም ዘመናትን ያስቆጠሩና የዓለም ጭምር ቅርስ በመሆናቸው መንግሥት እና የአካባቢው ማኅበረሰብ እንዲሁም የተለያዩ ሀገራት ድጋፍ በማድረግ ጥበቃ፣ እንክብካቢ ይደረግለታል።
📝 ተመሳሳይ የቆየ ሀሰተኛ መረጃ
📌ፋሲል ግንብ
የፋሲል ቅርስ በጎንደር ከተማ በተደረገ የተኩስ ልውውጥ የመንግሥት የጸጥታ ኃይሎች ጉዳት እንዳደረሱበት መረጃ ከሳምንታት በፊት ተሰራጭቷል። ይህ መረጃ ሀሰተኛ መሆኑን የመገናኛ ብዙኃን በሥፍራው ተገኝተው ከሰሩት ዘገባ ማረጋገጥ ተችሏል።
ምንጭ፡- ኢፕድ
ወቅታዊ፣ ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.