Fana: At a Speed of Life!

የግብርና መረጃዎችን ዲጂታላይዝ ማድረግ የሚያስችል ስምምነት ተፈረመ

አዲስ አበባ ፣ ነሐሴ 22 ፣ 2015 (ኤፍ ቢ ሲ) የኢትዮጵያ ግብርና ትራንስፎርሜሽን ኢንስቲትዩት ከግሪን አግሮ ሶሎሽንስ ሀላፊነቱ የተወሰነ የግል ማህበር ጋር የግብርና መረጃዎችን ዲጂታላይዝ ለማድረግ የሚያስችል ስምምነት ተፈራረመ።

ስምምነቱን የኢትዮጵያ ግብርና ትራንስፎርሜሽን ኢንስቲትዩት ዋና ዳይሬክተር ማንደፍሮ ንጉሴ(ዶ/ር) እና የግሪን አግሮ ሶሉሽንስ ሃላፊነቱ የተወሰነ የግል ማህበር ስራ አስኪያጅ አብረሃም እንድሪያስ ፈርመውታል።

ስምምነቱ በዘመናዊ መንገድ የግብርና መረጃዎችን መሰነድ፣ ማስተላለፍ እንዲሁም ለአርሶ አደሩ የገበያ መረጃዎች በቀላሉ እንዲያገኙ የሚያስችል መሆኑ ተገልጿል፡፡

ለሶስት ዓመታት ይቆያል የተባለው ስምምነት አነስተኛ የእርሻ መሬት ላላቸው አርሶ አደሮች አገልግሎቱን ለመስጠት እንደሚያስችልም ተጠቁሟል፡፡

በአማራ፣ ኦሮሚያ፣ ሶማሌ፣ ትግራይ፣ ሲዳማ፣ ደቡብ ኢትዮጵያና ማዕከላዊ ኢትዮጵያ ክልሎች ውስጥ በሚገኙ 150 ወረዳዎች በተለይም በኩታ ገጠም በሚያመርቱ አካባቢዎች ተግባራዊ ይደረጋል ተብሏል፡፡

የግብርና መረጃዎችን ዲጂታላይዝ ለማድረግ በሚሰራው ስራ ተጠቃሚ ለሚሆኑ 82 ሺህ ወጣቶች ስልጠና ይሰጣል መባሉን ኢዜአ ዘግቧል።

በኢትዮጵያ ግብርና ትራንስፎርሜሽን ኢንስቲትዩት የነጻ ስልክ መስር 8028 ፣ በሀገር አቀፍ የገበያ መረጃ አገልግሎት /NMIS/ እና በእርሻ ዲጂታል መተግበሪያ” የአንድ ማዕከል አገልግሎት መረጃዎቹ ተደራሽ ይሆናሉ ተብሏል።

#Ethiopia

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.