Fana: At a Speed of Life!

የፌደራል ፖሊስ ተቋርጦ የነበረውን የዓለም አቀፍ የሰላም ማስከበር ተልዕኮ ለማስቀጠል ስምምነት ላይ ደረሰ

አዲስ አበባ፣ ነሐሴ 22፣ 2015 (ኤፍ ቢ ሲ) የኢትዮጵያ ፌደራል ፖሊስ ተቋርጦ የነበረውን የዓለም አቀፍ የሰላም ማስከበር ተልዕኮ ለማስቀጠል ስምምነት ላይ መድረሱን አስታወቀ፡፡

በፈረንጆቹ 2020 በኢትዮጵያ በፀጥታ ችግርና በኮቪድ 19 ወረርሽኝ ምክንያት ተቋርጦ የነበረውን ዓለም አቀፍ የሰላም ማስከበር ተልዕኮ ለማስቀጠል ነው የኢትዮጵያ ፌደራል ፖሊስ ከተባበሩት መንግሥታት ድርጅትጋር በመነጋገር ስምምነት ላይ የደረሰው፡፡

የፌደራል ፖሊስ ኮሚሽነር ጀነራል ደመላሽ ገ/ሚካኤል÷ ከተመድ ተወካዮች ጋር በዓለም አቀፍ የሰላም ማስከበር ተልዕኮ አፈፃፀም ሥምሪት ላይ በአዲስ አበባ ተወያይተዋል።

በስምምነቱ መሠረት ዓለም አቀፍ የሰላም ማስከበር ተልዕኮን ለማስቀጠል በፖሊስ ዩኒቨርሲቲ የቅድመ ስምሪት ስልጠና የወሰዱ የፖሊስ መኮንኖችን ብቃት ለመመዘን የቅድመ ዝግጅት ሥራ መጠናቀቁ ተገልጿል፡፡

ከፌደራል ፖሊስ፣ ከክልሎችና ከሁለቱ ከተማ አስተዳደሮች ፖሊስ እንዲሁም ከፌደራል ማረሚያ ቤት ኮሚሽን የተውጣጡ የፖሊስ መኮንኖች የዓለም አቀፍ የሰላም ማስከበር ምዘና ለመውሰድ በዝግጅት ላይ መሆናቸውም ተጠቅሷል፡፡

You might also like

Leave A Reply

Your email address will not be published.