Fana: At a Speed of Life!

ከዓለም የተፈጥሮ ሃብት ኢንስቲትዩት ጋር በትብብር ለመስራት ውይይት ተካሄደ

አዲስ አበባ፣ ነሐሴ 22፣ 2015 (ኤፍ ቢ ሲ) የፕላንና ልማት ሚኒስትር ፍጹም አሰፋ (ዶ/ር) ከዓለም የተፈጥሮ ሃብት ኢንስቲትዩት ተወካዮች ጋር ተወያይተዋል፡፡

ፍጹም አሰፋ (ዶ/ር) ÷ኢትዮጵያ የአየር ንብረት ለውጥን ለመከላከል እየወሰደች ያለውን እርምጃ አጠናክራ እንደምትቀጥል ገልፀዋል፡፡

የአየር ንብረት ለውጥ መከላከል ዙሪያ ኢንስቲትዩቱ ያለው ተሞክሮ ኢትዮጵያ በአየር ንብረት ለውጥ የጀመረችውን እቅድ እንድታሳካ የሚያግዝ ነው ብለዋል፡፡

የዓለም የተፈጥሮ ሃብት ኢንስቲትዩት ተወካዮች በበኩላቸው ÷ኢትዮጵያ የአየር ንብረት ለውጥን ለመከላከል የምታደርገውን ጥረት ለመደገፍ ፈቃደኛ መሆናቸውን ገልጸዋል።

በተለይም የአየር ንብረት ለውጥን ከመከላከል አንጻር ከኢትዮጵያ ጋር በደን መልሶ ማልማትና በአረንጓዴ አሻራ ንቅናቄ ዙሪያ በትብብር ለመስራት ፍላጎት እንዳላቸው ተናግረዋል።

ሁለቱ ወገኖች በቀጣይ በቅንጅት እና በትብብር መስራት የሚያስችል ምክክር ማድረጋቸውንም ከፕላንና ልማት ሚኒስቴር ያገኘነው መረጃ ያመላክታል፡፡

You might also like

Leave A Reply

Your email address will not be published.