Fana: At a Speed of Life!

የቻይናዋ ሀርቢን ከኢትዮጵያ አቻ ከተሞች ጋር በትብብር እንደምትሠራ ተገለጸ

አዲስ አበባ፣ ነሐሴ 23፣ 2015 (ኤፍ ቢ ሲ) የቻይናዋ ሀርቢን ከተማ በኢትዮጵያ ከሚገኙ አቻ ከተሞች ጋር በትብብር መሥራት በሚያስችሉ ጉዳዮች ላይ ምክክር ተካሄደ፡፡

በቻይና የኢትዮጵያ አምባሳደር ተፈራ ደርበው በቻይና ሀርቢን ማዘጋጃ ቤት የውጭ ጉዳይ ፅሕፈት ቤት ምክትል ዳይሬክተር ከሆኑት ዡ ጓዋንጉዌ ጋር ተወያይተዋል፡፡

በውይይታቸውም ቱሪዝም ፣ ባሕል እና ንግድ በትብብር መሥራት ከሚችሉባቸው ዘርፎች የሚነሱ መሆናቸውን አመላክተዋል፡፡

ዡ ጓዋንጉዌ በበኩላቸው ማዘጋጃ ቤቱ በኢትዮጵያ ከተሞች ከሚገኙ ማዘጋጃ ቤቶች ጋር ለመሥራት ፍላጎት እንዳለው ገልጸዋል፡፡

ለዚህም በመጪዎቹ ወራት ከሥራ ቡድናቸው እና ከከፍተኛ ልዑካቸው ጋር ሆነው ኢትዮጵያን እንደሚጎበኙ ጠቁመዋል፡፡

አምባሳደር ተፈራም የኢትዮጵያ ኤምባሲ የማዘጋጃ ቤቱን ጉብኝት ለማመቻቸት ዝግጁ መሆኑን በመጥቀስ፥ ትብብራቸውን ወደ ላቀ ደረጃ ለማድረስ እንደሚሠሩ ቃል ገብተዋል።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.