Fana: At a Speed of Life!

ባለስልጣኑ ሐሰተኛ የትምህርት ማስረጃዎችን የማጣራት ስራ እያከናወነ መሆኑን ገለጸ

አገልግሎቱ ሐሰተኛ የትምህርት ማስረጃዎችን የማጣራት ስራ እያከናወነ መሆኑን ገለጸ

አዲስ አበባ፣ ነሐሴ 24፣ 2015 (ኤፍ ቢ ሲ) ሐሰተኛ የትምህርት ማስረጃዎችን የማጣራት እና የማረጋገጥ ስራ እያከናወነ መሆኑን የትምህርት ምዘናና ፈተናዎች አገልግሎት አስታወቀ፡፡

በተቋሙ የዲጂታል ትምህርት መረጃ አስተዳደርና አገልግሎት መሪ ስራ አስፈጻሚ ደሳለው ታፈሰ እንዳሉት÷ ሐሰተኛ የትምህርት ማስረጃዎችን ለተለያዩ አገልግሎቶች የመጠቀም ድርጊት እየተበራከተ መጥቷል፡፡

ይህን ተከትሎም አገልግሎቱ የትምህርትማስረጃዎን ከሚመለከታቸው አካላት ጋር የማረጋገጥ እና የማጣራት ስራ እያከናወነ እንደሚገኝ አንስተዋል፡፡

ለዚህም መንግስተዊ እና መልግስታዊ ያልሆኑ ተቋማት እንዲሁም ግለሰቦች ማስረጃዎች ለማረጋገጥ እንደሚመጡ አንስተዋል፡፡

በተጠናቀቀው በጀት ዓመትም አገልግሎቱ ከ91 ተቋማት የመጡ 4 ሺህ 413 የትምህርት ማስረጃዎች ማጣራቱን ነው የተናገሩት፡፡

ከተጣሩት ውስጥም 3 ነጥብ 8 በመቶ የሚሆኑት ውጤት መቀየር፣ ያልተማሩበትን የትምህርትማስረጃ መያዝ እና ሌሎች ሐሰተኛ መረጃዎች መገኘታቸውን አመላክተዋል፡፡

ይህን ተከትሎም ሀሰተኛ ሰነዶችን ማምከን እና ከስራ ማገድ ጀምሮ የተለያዩ አስተዳደራዊ እርምጃዎች መወሰዳቸውን አቶ ደሳለው ለፋና ብሮድከስቲንግ ኮርፖሬት ተናግረዋል፡፡

በቀጣይም ችግሩን ለመከላከል ትክክለኛ መረጃዎች የሚቀመጡበትና ከከፍተኛ የትምህርት ተቋማት እና ሌሎች ድርጅቶች ጋር የተሳሰረ የቀጥታ (ኦንላይን) መተግበሪያ እየለማ መሆኑን አስረድተዋል፡፡

ተቋማት ሰራተኞችን ሲቀጥሩ ፣ የደረጃ እድገት ሰሲጡ እና ለሌሎች ጉዳዮች የትምህርት ማስረጃዎችን ማጣራት እንዳለባቸውም አሳስበዋል፡፡

በመላኩ ገድፍ

You might also like

Leave A Reply

Your email address will not be published.