Fana: At a Speed of Life!

ክልሎች ለማሕበረሰብ ተኮር የፍትሕ አገልግሎት ትኩረት ሊሰጡ ይገባል ተባለ

አዲስ አበባ፣ ነሐሴ 24፣ 2015 (ኤፍ ቢ ሲ) ክልሎች ለማሕበረሰብ ተኮር የፍትሕ አገልግሎት ትኩረት ሰጥተው ሊሰሩ እንደሚገባ የፍትሕ ሚኒስትር ጌዲዮን ጢሞቲዎስ (ዶ/ር) አሳሰቡ፡፡

አራተኛው የፍትሕ ሚኒስቴር፣ የክልል ፍትሕ ቢሮዎች እና ጠቅላይ ዐቃቤ ሕግ ተቋማት የጋራ ውይይት መድረክ ተካሂዷል፡፡

ጌዲዮን ጢሞቲዎስ (ዶ/ር) በመድረኩ እንደገለጹት÷ የማሕበረሰብ ተኮር የፍትሕ አገልግሎትን መተግበር የሕበረሰቡንና የሀገረ መንግስቱን ግንኙነት መቃኘት ያስችላል፡፡

ከውጭ የሚመጡ የሕግ አወጣጥ ተሞክሮዎች ማህበረሰቡን ሲያዩበት የነበረውን መነጽር በመቀየር ከማህበረሰቡ ሁኔታ ጋር የተጣጣሙና የተገናዘቡ ሕጎችን ለማውጣት ሚናው ከፍተኛ መሆኑንም አንስተዋል፡፡

የፌዴራል ወይም የክልል አካላት ብቻ በተናጠል በሚያደርጉት እቅስቃሴ ብቻ የፍትሕን ጥያቄ ምላሽ መስጠት እንደማይቻልም አስረድተዋል፡፡

የትብብር የፌዴራል ስርዓትን ለማስቀጠል የተጀመረው የትብብር ስራ ተጠናክሮ ሊቀጥል እንደሚገባ አጽንኦት መስጠታቸውንም የፍትሕ ሚኒስቴር መረጃ ያመላክታል፡፡

You might also like

Leave A Reply

Your email address will not be published.