Fana: At a Speed of Life!

ኢትዮጵያና ሩሲያ በሳይንስና ቴክኖሎጂ ዘርፍ የሚያደርጉት ትብብር ተጠናክሮ መቀጠል እንዳለበት ተገለጸ

አዲስ አበባ፣ ነሐሴ 24፣ 2015 (ኤፍ ቢ ሲ) ኢትዮጵያ እና ሩሲያ በሳይንስና ቴክኖሎጂ ዘርፍ የሚያደርጉት ትብብር ተጠናክሮ መቀጠል እንዳለበት የኢኖቬሽንና ቴክኖሎጂ ሚኒስቴር ገለጸ፡፡

የኢኖቬሽንና ቴክኖሎጂ ሚኒስትር በለጠ ሞላ (ዶ/ር) በኢትዮጵያ ከሩሲያ ፌዴሬሽን አምባሳደር ኢቪግኒ ተርኪን ጋር ተወያይተዋል፡፡

በውይይታቸውም በኢትዮ-ሩሲያ መካካል በሳይንስ እና ቴክኖሎጂ ዘርፍ የተፈረሙ ስምምነቶችን ወደ ተግባር ለመቀየር እንዲሁም በቀጣይ መሰራት ስለሚገባቸው ጉዳዮች ላይ መክረዋል፡፡

በለጠ ሞላ (ዶ/ር) በዚህ ወቅት÷8ኛው የኢትዮ-ሩሲያ የሳይንስ፣ ቴክኒካል፣ የምጣኔ ሀብትና የንግድ በይነ መንግስታት የጋራ ኮሚሽን ስብሰባ ባለፈው ታህሳስ ወር አዲስ አበባ ከተካሄደ በኋላ ሀገራቱን ተጠቃሚ የሚያደርጉ ስምምነቶች መፈረማቸውን አንስተዋል፡፡

ስምምነቶችን ወደ ውጤት ለመቀየር በኢትዮጵያ በኩል እየተሰራ መሆኑንም ሚኒስትሩ ጠቅሰዋል፡፡

አምባሳደር  ኢቪግኒ ተርኪን በበኩላቸው በሩሲያ ፌዴሬሽን በኩል በሁለቱ ሀገራት መካከል በርካታ ስምምነቶች መፈረማቸውን ጠቅሰው÷ቀሪዎቹ በሂደት ላይ መሆናቸውን ተናግረዋል፡፡

You might also like

Leave A Reply

Your email address will not be published.