Fana: At a Speed of Life!

ኢትዮጵያን ጨምሮ በ4 የምስራቅ አፍሪካ ሀገራት “ቅድመ ማስጠንቀቂያ ለሁሉም” የተሰኘ ንቅናቄ ይፋ ሆነ

አዲስ አበባ፣ ነሐሴ 24፣ 2015 (ኤፍ ቢ ሲ) ኢትዮጵያን ጨምሮ በአራት የምስራቅ አፍሪካ ሀገራት በአደጋ ስጋት፣ ቅድመ ማስጠንቀቂያና ምላሽ ላይ ያተኮረ ንቅናቄ ዛሬ በአዲስ አበባ ሳይንስ ሙዚዬም ይፋ ተደርጓል፡፡

በመርሐ ግብሩ የኢትዮጵያ አደጋ ስጋት አመራር ኮሚሽን ኮሚሽነር አምባሳደር ሽፈራው ተ/ማሪያም፣ የአራቱ ምስራቅ አፍሪካ ሀገራት ተወካዮችና ባለድርሻ አካላት ተገኝተዋል፡፡

አምባሳደር ሽፈራው ተ/ማሪያም÷ በአደጋ ስጋትስ ቅነሳ ስራ የቅድመ ማስጠንቀቂያና ምላሽ ስራዎችን ስኬታማ ለማድረግ ሁሉም ባለ ድርሻ አካላት በቅንጅት ሊሰሩ ይገባል ብለዋል፡፡

በመድረኩ የኮሚሽኑ ብዝሃ-አደጋዎች ተፅእኖ ላይ የተመሰረተ የቅድመ ማስጠንቀቂያ እና የቅድመ እርምጃ ስርዓት ፍኖተ ካርታ ሰነድ እንደ ተሞክሮ መቅረቡ ተጠቁሟል፡፡

“ቅድመ ማስጠንቀቂያ ለሁሉም” የተሰኘው ንቅናቄ ኢትዮጵያን ጨምሮ በ4 የምስራቅ አፍሪካ ሀገራት አደጋ ስጋት፣ ቅድመ ማስጠንቀቂያና ምላሽ ስራ ላይ እንደሚያተኩር መገለጹን የኮሚሽኑ መረጃ ያመላክታል፡፡

You might also like

Leave A Reply

Your email address will not be published.