Fana: At a Speed of Life!

33ኛው የጉሚ በለል የውይይት መድረክ እየተካሄደ ነው

አዲስ አበባ፣ ነሐሴ 26፣ 2015 (ኤፍ ቢ ሲ) 33ኛው የጉሚ በለል የውይይት መድረክ እየተካሄደ ነው፡፡

የውይይት መድረኩ “የሀገራዊ ምክክር እድሎች እና ስጋቶች” በሚል መሪ ሃሳብ ነው እየተካሄደ የሚገኘው፡፡

በመድረኩ አሁን ላይ በሚስተዋሉ ግጭቶች እና መፍትሔዎች ዙሪያ ውይይት እየተደረገ መሆኑን የኦሮሚያ ክልል ኮሙኒኬሽን ቢሮ መረጃ ያመላክታል፡፡

የቢሮው ኃላፊ አቶ ኃይሉ አዱኛ÷ ተመሳሳይ ችግር የተስተዋለባቸው ሌሎች ሀገራት የፖለቲካ ችግሮቻቸውን በተለያዩ ዘዴዎች መፍታት መቻላቸውን አስረድተዋል፡፡

በምክክር ሀገራዊ መግባባት ላይ ደርሰው የሀገር ግንባታ የጀመሩ በርካታ ሀገራት እንዳሉም አንስተዋል፡፡

በተለያዩ ጎራዎች መካከል የሚደረጉ ሀገራዊ ውይይቶች ÷ ባለመነጋገር እና ባለመግባባት ምክንያት ለሚፈጠሩ የፖለቲካ ግጭቶች ዕልባት የሚሰጡ የመግባቢያ ድልድይ ናቸውም ብለዋል፡፡

ሀገራዊ ምክክሩ ግጭቶችን በፖለቲካዊ ሂደትና ውይይት በመፍታት የፖለቲካ ሽግግርን ዕውን ለማድረግ አስቻይ ሁኔታን ይፈጥራልም ብለዋል።

የኦሮሚያ ክልላዊ መንግስት የሀገራዊ ምክክር ኮሚሽኑን መርኅ መሠረት አድርጎ እየሰራ መሆኑን አቶ ኃይሉ አዱኛ ተናግረዋል፡፡

በብሔራዊ ሀገራዊ ምክክሩ የምኁራን ድርሻ የጎላ መሆኑን አንስተው÷ ሕዝቡም በመድረኩ ተሳትፎ የሚጠበቅበትን እንዲወጣ እና በሀገር ግንባታ የበኩሉን ዐሻራ እንዲያሳርፍ ጠይቀዋል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.