Fana: At a Speed of Life!

የአፍሪካ ህብረት አነስተኛና መካከለኛ ኢንተርፕራይዞች ፎረም በመጪው መስከረም ወር ይካሄዳል

አዲስ አበባ፣ ነሐሴ 26፣ 2015 (ኤፍ ቢ ሲ) 2ኛው የአፍሪካ ህብረት አነስተኛ እና መካከለኛ ኢንተርፕራይዞች ዓመታዊ ፎረም የፊታችን መስከረም ወር በአዲስ አበባ እንደሚካሄድ የአፍሪካ ህብረት አስታውቋል፡፡

በጀማሪ ስራ ፈጣሪዎች ላይ ያተኮረው ፎረሙ÷በተለይም የአፍሪካ ወጣቶች በክህሎት እና ፈጠራ እንዲበረታቱ የሚያስችሉ ፖሊሲዎችን ለመቅርፅ ያለመ መሆኑ ተመላክቷል፡፡

ባለሃብቶች በተለያዩ ኩባንያዎች ላይ መዋዕለ ንዋያቸውን እንዲያፈሱ ለማድረግ እና ሌሎች ባለድርሻ አካላት ለኢንተርፕራይዞች ድጋፍ እንዲሰጡ ለማድረግ  እንደሚያስችልም ተጠቁሟል፡፡

ኢንተርፕራይዞች አዳዲስ ቴክኖሎጂዎች፣ ምርቶች እና አገልግሎቶችን  ለማስተዋወቅ  ከፍተኛ ሚና የሚጫወቱ  መሆኑም ተገልጿል፡፡

ፎረሙ በአፍሪካ ህብረት ኢኮኖሚ ፣ንግድና ቱሪዝም ዲፓርትመንት የሚዘጋጅ ሲሆን÷ በአዲስ አበባ የህብረቱ አዳራሽ ከመስከረም 4 እስከ 8 ቀን 2015 ዓ.ም እንደሚካሄድ የአፍሪካ ህብረት መረጃ ያመላክታል፡፡

You might also like

Leave A Reply

Your email address will not be published.