Fana: At a Speed of Life!

ፖላንድ ከደቡብ ኮሪያ የሸመተችውን የጦር መሳሪያ በልምምድ ላይ እንደምታሳይ ገለጸች

አዲስ አበባ፣ ነሐሴ 26፣ 2015 (ኤፍ ቢ ሲ) ፖላንድ ከደቡብ ኮሪያ የሸመተችውን የጦር መሳሪያ በቅርቡ በሩሲያ አቅራቢያ በምታካሂደው ልምምድ ላይ እንደምታሳይ ገለጸች።
ፖላንድ ከደቡብ ኮሪያ የሸመተቻቸው የጦር መሳሪያዎች ድንቅ መሆናቸውን በመግለጽም አድናቆቷን ገልጻለች።
ሴኡል በታሪኳ ትልቁ የተባለውን የጦር መሳሪያ ሽያጭ ስምምነት ከፖላንድ ጋር ባለፈው ዓመት ተፈራርማለች።
ከደቡብ ኮሪያ የተገዛው አዲስ የጦር መሳሪያ አቅምም በመስከረም ወር በሩሲያ አቅራቢያ በሚደረገው የጋራ ልምምድ ላይ እንደሚታይ የፖላንድ የመከላከያ ሚኒስትር ማሪየስ ብላዛክ አስታውቀዋል።
ልምምዱ የሚካሄደው የሩሲያ ግዛት ከሆነችው ካሊኒንግራድ 60 ኪሎ ሜትር ርቀት ላይ በምትገኘው ኦርዚዝ ከተማ ሲሆን÷ 1 ሺህ ወታደሮችን እና 70 ወታደራዊ መሣሪያዎችን እንደሚያካትት የፖላንድ ጦር አዛዥ ገልፀዋል።
ከውጪ ሀገራት የተገዙትን ጨምሮ ሰራዊቱ የሚጠቀምባቸው የማይንቀሳቀሱ መሳሪያዎች የሚያሳይ አውደ ርዕይም የዝግጅቱ አካል እንደሚሆን ተጠቁሟል።
ባለሥልጣኑ አክለውም በፖላንድ የደቡብ ኮሪያ የጦር መሣሪያዎችን ለማምረት የተያዘው ዕቅድ ወደ ፊት እያመራ መሆኑን ተናግረዋል።
የማምረት ዕቅዱንም በትናንትናው ዕለት ብላዛክ ከደቡብ ኮሪያ አቻቸው ሊ ጆንግ-ሱፕ ጋር ከመከሩ በኋላ በጋራ በሰጡት ጋዜጣዊ መግለጫ ማስታወቃቸውን አር ቲ ዘግቧል።
ፖላንድ የኮሪያ ኬ2 ታንኮችን፣ ኤፍ ኤ-50 የስልጠና እና የውጊያ ጄቶች እንዲሁም ኬ239 “ቹሞ” የመድፍ ተተኳሽ ስርዓቶችን ማዘዟም ተመላክቷል።
May be an image of text
You might also like

Leave A Reply

Your email address will not be published.