Fana: At a Speed of Life!

ፊልድ ማርሻል ብርሃኑ ጁላ በደቡብ አፍሪካ የሥራ ጉብኝት እያደረጉ ነው

 

አዲስ አበባ፣ ነሐሴ 30፣ 2015 (ኤፍ ቢ ሲ) የኢፌዲሪ መከላከያ ሰራዊት ጠቅላይ ኢታማዦር ሹም ፊልድ ማርሻል ብርሃኑ ጁላ በደቡብ አፍሪካ ይፋዊ የሥራ ጉብኝት እያደረጉ ነው።

ፊልድ ማርሻል ብርሃኑ የደቡብ አፍሪካ መከላከያ ሰራዊት ጠቅላይ ኢታማዦር ጄነራል ሩድዛኒ ማፕህዋንያ ባቀረቡላቸው ግብዣ መሠረት ነው በሀገሪቱ የስራ ጉብኝት እያደረጉ የሚገኙት።

ፊልድ ማርሻል ብርሃኑ ጁላ በደቡብ አፍሪካ መከላከያ ዋና መስሪያ ቤት ቅጥር ግቢ በወታደራዊ ትርዒት የታጀበ ከፍተኛ አቀባበል ተደርጎላቸዋል።

ለክብራቸውም 13 ጊዜ መድፍ መተኮሱን በደቡብ አፍሪካ የኢትዮጵያ ኤምባሲ መረጃ ያመላክታል።

በዚሁ ወቅት ከደቡብ አፍሪካ መከላከያ ሚኒስትር ጋር ባደረጉት ውይይት በሁለቱ ሀገራት እና ሕዝቦች መካከል ረጅም ዓመታትን ያስቆጠረው ታሪካዊ ግንኙነት ከጊዜ ወደ ጊዜ እየጎለበተ ለመጣው ወታደራዊ ትብብር ጠንካራ መሰረት የጣለ መሆኑን አንስተዋል።

በቀጣይ የትብብሮቹን አድማስ ለማስፋትና ወደላቀ ደረጃ ለማሸጋገር በቁርጠኝነት እንደሚሰሩም አረጋግጠዋል ።

በተጨማሪም የደቡብ አፍሪካ የመከላከያ ልዩ ልዩ የአቅም ግንባታ ተቋማትን በተመለከተ ገለጻዎች የተደረጉ ሲሆን፥የወታደራዊ ትዕይንቶችም ቀርበዋል።

You might also like

Leave A Reply

Your email address will not be published.