Fana: At a Speed of Life!

የተመድ በኢትዮጵያ ቋሚ ተወካይና የሰብዓዊ ጉዳዮች አስተባባሪ የሚመራ ልኡክ ጅግጅጋ ከተማ ገባ

 

አዲስ አበባ፣ ነሐሴ 30፣ 2015 (ኤፍ ቢ ሲ) በተመድ በኢትዮጵያ ቋሚ ተወካይና የሰብዓዊ ጉዳዮች አስተባባሪ ራሚዝ አላክባሮቭ (ዶ/ር) የሚመራ ልኡክ ጅግጅጋ ከተማ ገባ፡፡

ልዑኩ ከሶማሌ ክልል ርዕሰ መስተዳደር ጽህፈት ቤት ኃላፊ ሁሴን ሀሺ (ዶ/ር) ጋር የተወያየ ሲሆን÷ የልዑካን ቡድኑ ከሶማሌ ክልል ርዕሰ መስተዳደር ሙስጠፌ መሀመድ ጋርም በተለያዩ የሰብዓዊ ጉዳዮች ላይ ይመክራሉ ተብሎ ይጠበቃል።

በተለያዩ ጊዜያት የአለም አቀፍ ድርጅት ተወካዮች፣ ዲፕሎማቶችና አምባሳደሮች ክልሉን መጎብኘታቸው የተገለፀ ሲሆን ÷በተደጋጋሚም በበጎ አድራጎት ሥራዎች የድርሻቸውን መወጣታቸውን ከክልሉ መንግስት ኮሙኒኬሽን ያገኘነው መረጃ ያመላክታል፡፡

በልዑኩ ውስጥ የተመድ የህጻናት መርጃ ድርጅት፣ የተመድ የስደተኞች ከፍተኛ ኮሚሽን፣ የአለም ሴቶች ድርጅት ፣ የዓለም የግብርና ምግብ ድርጅት፣ የተመድ የደህንነትና ጸጥታው መምሪያ ፣ በተመድ የነዋሪዎች አስተባበሪ ጽ/ቤት፣ በተመድ የስነህዝብ ፈንድ እና ሌሎች አለም አቀፍ ድርጅት ተወካዮች ተካትተዋል፡፡

You might also like

Leave A Reply

Your email address will not be published.