Fana: At a Speed of Life!

የሀገርና የህዝብ ወገንተኝነት ስሜት በመላበሰ  የህዝብና  መንግሥት አገልግሎት መስጠት ይገባል –  አቶ ኡሞድ ኡጁሉ

አዲስ አበባ፣ ጳጉሜን 1፣ 2015 (ኤፍ ቢ ሲ) የሀገርና የህዝብ ወገንተኝነት ስሜት በመላበሰ የህዝብና  መንግሥት አገልግሎት መስጠት ይገባል ሲሉ የጋምቤላ ክልል ርዕሰ መስተዳድር  አቶ ኡሞድ ኡጁሉ ገለጹ።

ጳጉሜን 1 የአገልግሎት ቀን በክልሉ በፓናል ውይይትና በሌሎች መርሐ ግብሮች እየተከበረ ነው፡፡

ርዕሰ መስተዳድሩ÷ የጋምቤላ ክልል አጋጥሞት ከነበረው የሠላም መደፍረስ ችግር ወጥቶ ዘላቂ ሠላሙን በማፅናት በሚደረገው ጥረት ሁሉም የበኩሉን ሊወጣ እንደሚገባ ተናግረዋል።

የሀገርና የህዝብ ወገንተኝነት ስሜት በመላበሰ  የህዝብና  መንግሥት አገልግሎት መስጠት ይገባል ብለዋል።

እንደ ሀገር እና እንደ ክልል የተገኙ ስኬቶችንም ከፍ በማድረግ፤ አጋጥመው ከነበሩት ፈተናዎች ትምህርት በመውሰድ፤ ህብረ ብሄራዊ ወንድማማችነት በማፅናት የጳጉሜን ቀናት ማክበር እንደሚገባ አስረድተዋል።

የክልሉ ፐብሊክ ሰርቪስና የሰው ሀብት ቢሮ ኃላፊ ወ/ሮ ኛሞች ጊል÷ ተቋማት ተገልጋዩን ማህበረሰብ በትህትናና በቅንነት ማገልገል እንደሚገባቸው ተናግረዋል።

ህዝብን ማገልገል የህሊና እርካታ እንደሚሰጥ ጠቅሰው÷ ሁሉም በተሰማራበት ዘርፍ ሀገሩንና ህዝቡን ሊያገለግል ይገባል ማለታቸውን የክልሉ ኮሙኒኬሽን መረጃ ያመላክታል፡፡

You might also like

Leave A Reply

Your email address will not be published.