Fana: At a Speed of Life!

ቻይና የመንግሥት ሠራተኞቿ ከውጭ የሚገቡ ዲጂታል ቁሶችን እንዳይጠቀሙ አገደች

አዲስ አበባ፣ ጳጉሜን 1፣ 2015 (ኤፍ ቢ ሲ) ቻይና የመንግሥት ሠራተኞቿ ከውጭ የሚገቡ ዲጂታል ቁሶችን እንዳይጠቀሙ ማገዷን አስታወቀች፡፡

ቻይና ገደቡን የጣለችው ለሳይበር ደኅንነቴ ስጋት ነው በሚል ምክንያት መሆኑን ቲአርቲ ወርልድ ዘግቧል፡፡

በመሆኑም የቻይና የመንግሥት ሠራተኞች እና ሃላፊዎች አይ ፎንን ጨምሮ ማናቸውንም ከውጭ የሚገቡ የዲጂታል ቴክኖሎጂ ቁሶችን እንዳይጠቀሙ አስጠንቅቃለች፡፡

እንደ ዘ ዎል ስትሪት ጆርናል መረጃ ከሆነ ቻይና ማስጠንቀቂያውን ያወጣችው ከውጭ ሀገር በሚገቡ የዲጂታል ቴክኖሎጂ ውጤቶች ላይ ያለውን ጥገኝነት ለመቀነስ እና የሳይበር ደኅንነቷን ለማጠናከር ነው፡፡

ቻይና የወሰደችው እርምጃ ከዚህ ቀደም አሜሪካ ዜጎቿ ”ሁዋዌ”ን ጨምሮ ማናቸውንም የቻይና የዲጂታል ቴክኖሎጂ ቁሶች እንዲሁም የማሕበራዊ ሚዲያውን ቲክ ቶክ እንዳይጠቀሙ በመገደቧ የተነሳ እንደሆነም ተዘግቧል፡፡

ጉዳዩን አስመልክቶ የቻይና ባለሥልጣናትም ሆነ 19 በመቶ ገቢውን ከቻይና የሚያገኘው የ”አይ ፎን” አምራቹ አፕል ኩባንያ ያሉት ነገር የለም፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.