Fana: At a Speed of Life!

ኢትዮጵያ በመጀመሪያ ደረጃ የጤና ክብካቤ አበረታች ውጤት እያስመዘገበች ነው – አቶ ደመቀ መኮንን

አዲስ አበባ፣ ጳጉሜን 1፣ 2015 (ኤፍ ቢ ሲ) ኢትዮጵያ ለመጀመሪያ ደረጃ የጤና ክብካቤ አገልግሎት ልዩ ትኩረት በመስጠት በዘርፉ አበረታች ውጤት እያስመዘገበች መሆኑን ምክትል ጠቅላይ ሚኒስትርና የውጭ ጉዳይ ሚኒስትር ደመቀ መኮንን ገለጹ።

የመጀመሪያ ደረጃ የጤና ክብካቤ ላይ ያተኮረ ዓለም አቀፍ ጉባኤ በአዲስ አበባ እየተካሄደ ነው።

በጉባኤው ምክትል ጠቅላይ ሚኒስትርና የውጭ ጉዳይ ሚኒስትር ደመቀ መኮንን፣ የጤና ሚኒስትር ዶክተር ሊያ ታደሰ፣ የዓለም አቀፍ የጤና ተቋማት ተወካዮች እና የበርካታ ሀገራት የጤና ዘርፍ ተመራማሪዎች ተገኝተዋል።

አቶ ደመቀ መኮንን በዚሁ ወቅት እንደገለጹት ፥ የመጀመሪያ ደረጃ ጤና ክብካቤ መጠናከር የዜጎችን ተጠቃሚነት ለማረጋገጥ ወሳኝ ተግባር ነው።

ኢትዮጵያ ለመጀመሪያ ደረጃ የጤና ክብካቤ ልዩ ትኩረት በመስጠት አገልግሎቱን በገጠራማው የሀገሪቱ ክፍል በስፋት ተደራሽ እያደረገች ነው ብለዋል።

በመንግስት ፖለቲካዊ ቁርጠኝነት፣ በጤና ባለሙያዎችና በአጋር አካላት የላቀ ትብብርም የእናቶችና ህጻናት የጤና ክብካቤ ላይ ከፍተኛ ውጤት እየተመዘገበ መሆኑን አንስተዋል።

የዓለም ጤና ድርጅት ዋና ዳይሬክተር ዶ/ር ቴድሮስ አድሃኖም በበይነ-መረብ ባስተላለፉት መልዕክት፥ ኢትዮጵያ ለመጀመሪያ ደረጃ የጤና ክብካቤ መርሐ ግብር የሰጠችው ትኩረት አበረታች ነው ማለታቸውን ኢዜአ ዘግቧል፡፡

በቀጣይም ኢትዮጵያ ሁሉን አቀፍ የጤና ስርዓቷን አጠናክራ እንድትቀጥል የዓለም ጤና ድርጅት ድጋፉን እንደሚያጠናክር አረጋግጠዋል።

የጤና ሚኒስትር ዶክተር ሊያ ታደሰ በበኩላቸው÷ ለሶስት ቀናት የሚቆየው ይህ ጉባኤ በዘርፉ ያሉ ችግሮች ላይ ምክክር በማድረግ የመፍትሄ አቅጣጫ ለማስቀመጥ ያለመ እንደሆነም ነው የጠቀሱት።

ኢትዮጵያ ለመጀመሪያ ደረጃ የጤና ክብካቤ እየሰጠች ያለው ትኩረት በአንጻራዊነት ጠንካራ መሆኑን ጠቅሰው፤ በጉባዔው ልምዷን ለሌሎች ሀገራት እንደምታጋራ አንስተዋል።

#Ethiopia

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.