Fana: At a Speed of Life!

ዩኤንኤፍፒኤ ለኦሮሚያና አፋር ክልሎች የአምስት አምቡላንስ ድጋፍ አደረገ

አዲስ አበባ፣ ጳጉሜን 1፣ 2015 (ኤፍ ቢ ሲ) የተመድ የሥነ-ሕዝብ ፈንድ (ዩኤንኤፍፒኤ) በስዊዲን መንግስት የገንዘብ ድጋፍና በራሱ ወጭ የገዛቸውን አምስት አምቡላንሶች ለኦሮሚያና አፋር ክልሎች ድጋፍ አደረገ።

ድጋፉ በክልሎቹ የሥነ-ተዋልዶ እና የእናቶችን ጤና ለማሻሻል እንዲሁም የጤና አገልግሎት ተደራሽነትን ለማስፋት የሚውሉ መሆኑ ተጠቁሟል።

የዩኤንኤፍፒኤ ተወካይ ኮፊ ኩዋሜ÷ ተቋማቸው በክልሎቹ የሚያደርገውን ድጋፍ አጠናክሮ እንደሚቀጥል አረጋግጠዋል።

በኢትዮጵያ የስዊድን አምባሳደር ሃንስ ሄንሪክ በበኩላቸው÷ የስዊድን መንግስት ከዩኤንኤፍፒኤ ጋር በመተባበር በኢትዮጵያ ለሚያከናውኗቸው መርሐ-ግብሮች መሳካት ለረጅም ጊዜ ሲሰሩ መቆየታቸወን ገልፀዋል።

ለክልሎቹ የተደረገው ድጋፍም የህብረተሰቡን ጤና ለማሻሻል እንደሚረዳ ገልጸው፤ ስዊድን ጤናን ጨምሮ በተለያዩ ዘርፎች የምታደርገውን ድጋፍ አጠናክራ ትቀጥላለች ብለዋል።

የሁለቱ ክልሎች የጤና ቢሮ አመራሮች ለተደረገው ድጋፍ ምስጋና አቅርበው፤ አምቡላንሶቹ ለታለመላቸው ዓላማ ብቻ እንደሚውሉ ገልጸዋል።

በመራኦል ከድር

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.