Fana: At a Speed of Life!

የማር ምርታማነትን በዓመት ወደ 98 ሺህ ቶን ማሳደግ ችለናል – ጠ/ሚ ዐቢይ አሕመድ (ዶ/ር)

አዲስ አበባ፣ ጳጉሜን 2፣ 2015 (ኤፍ ቢ ሲ) ባለፈው አመት በጀመርነው “የሌማት ትሩፋት” ውጥን ዘመናዊ ዘዴዎችን ስራ ላይ በማዋል የማር ምርታማነትን በዓመት ወደ 98 ሺህ ቶን ማሳደግ ችለናል ሲሉ ጠቅላይ ሚኒስትር ዐቢይ አሕመድ (ዶ/ር) ገለፁ።

ጠቅላይ ሚኒስትሩ በማህበራዊ ትስስር ገፃቸው ባሰፈሩት ፅሁፍ÷ ኢትዮጵያ በዓለም አቀፍ ደረጃ ከፍተኛ የማር ምርት ካላቸው አሥር ሀገሮች አንዷ ነች ብለዋል።

ባለፈው አመት በጀመርነው “የሌማት ትሩፋት” ውጥን፣ ዘመናዊ ዘዴዎችን ስራ ላይ በማዋል የማር ምርታማነትን በዓመት ወደ 98 ሺህ ቶን ማሳደግ ችለናል ነው ያሉት በመልዕክታቸው።

ኢትዮጵያ የተለያዩ ዕፅዋት ያሉባት ሀገር እንደመሆኗ እና የተለያዩ ሥነ-ምህዳራዊ እና የአየር ንብረት ሁኔታዎች ለማር ምርት ምቹ ስለሚያደርጓት፣ ይህን ከግምት ውስጥ በማስገባት የቀጣይ ዓመት ዕቅድ አመታዊ ምርትን በእጥፍ ማሳደግ መሆኑንም ጠቁመዋል፡፡

ለተሻለ ምርት የምናደርገውን ጥረት አብረን እናጠናክር ሲሊም ጥሪ አቅርበዋል።

You might also like

Leave A Reply

Your email address will not be published.