Fana: At a Speed of Life!

ሊቢያ 270 ህገ ወጥ ፍልሰተኞችን ወደ ሀገራቸው መለሰች

አዲስ አበባ፣ ጳጉሜን 2፣ 2015 (ኤፍ ቢ ሲ) ሊቢያ 270 ህገ ወጥ ብላ የለየቻቸውን የአፍሪካና እስያ ሀገራት ፍልሰተኞችን ወደ ሀገራቸው መልሳለች።
አብዛኞቹ ፍልሰተኞች ከሶማሊያ፣ ኒጀር፣ ቻድ፣ ሱዳን፣ ባንግላዲሽ እና ናይጄሪያ መሆናቸው ተገልጿል።
ባለፈው ሳምንት 162 የጋናውያን እና 137 ማሊያውያን እንዲሁም ሌሎች ከባንግላዲሽ ሊቢያ የገቡ ፍሰተኞች ከሊቢያ መባረራቸው ተጠቁሟል።
የሊቢያ የሀገር ውስጥ ጉዳይ ሚኒስትር ኢማድ አል ትራበልሲ በሰጡት ጋዜጣዊ መግለጫ ከሶማሊያ፣ ከኒጀር፣ ከቻድ፣ ከሱዳን፣ ከባንግላዲሽ እና ከናይጄሪያ የመጡ ህገወጥ ፍልሰተኞች ወደ ሀገራቸው እንደሚሸኙ ተናግረዋል።
የሀገር ውስጥ ጉዳይ ሚኒስቴር ህገ-ወጥ ስደትን መከላከል ኤጀንሲን ጨምሮ ስልጣን ካላቸው አካላት ጋር በመቀናጀት ህገ ወጥ ፍልሰተኞችን በፈቃደኝነት ወደ ሀገራቸው ለመመለስ በሚቀጥሉት ቀናት በርካታ ጉዞዎች እንደሚዘጋጁም አክለዋል።
በመጪው ሐሙስ ቁጥራቸው ያልተገለጸ ህገ ወጥ ፍልሰተኞች ከቤኒና ዓለም አቀፍ አውሮፕላን ማረፊያ ወደ ፓኪስታን ይወሰዳሉ ሲሉም አክለዋል።
ሊቢያ ሕገ ወጥ ፍልሰተኞችን ለማስጠለል በቢሊዮኖች የሚቆጠር ዶላር ወጪ እንዳደረገች ጠቁመው÷ የፍልሰተኞች ጉዳይ በሀገሪቱ ደህንነትና ኢኮኖሚ ላይ ጉዳት አድርሷል ማለታቸውን ሚድል ኢስት ሞኒተር ዘግቧል።
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.