Fana: At a Speed of Life!

በመዲናዋ ዘመናዊ የግብርና ምርት መሸጫና ማከማቻ ማዕከል ተመረቀ

አዲስ አበባ፣ ጳጉሜን 4፣ 2015 (ኤፍ ቢ ሲ) የአዲስ አበባ ከተማ አስተዳደር ዘመናዊ የግብርና ምርት መሸጫና ማከማቻ ማዕከል ተመርቋል፡፡

ከተማ አስተዳደሩ በለሚኩራ ያስገነባው ዘመናዊ የግብርና ምርት መሸጫ ማዕከል የአምራችነት ቀንን ምክንያት በማድረግ ተመርቆ ለህዝብ አገልግሎት ክፍት ሆኗል፡፡

የገበያ ማዕከሉን መርቀው የከፈቱት የአዲስ አበባ ከተማ አስተዳደር ከንቲባ አዳነች አቤቤ ሲሆኑ ፥ በምረቃ ሥነስርዓቱ የተለያዩ የሥራ ኃላፊዎችና ጥሪ የተደረገላው እንግዶች ተገኝተዋል፡፡

ከንቲባዋ የማዕከሉን መመረቅ አስመልክቶ ባስተላለፉት መልዕክት ማዕከሉ የግብይት ስርዓትን ማሳለጥ እንዲችል በቴክኖሎጂ የተደገፈ ዘመናዊ አሰራርን ያማከለ መሆኑን ገልጸዋል።

182 የግብርና ምርቶች ማከማቻዎች፣ 150 የችርቻሮ መሸጫ ሱቆች፣ 30 የጅምላ መሸጫ ሱቆች፣ 26 የማቀዝቀዣ ክፍሎች፣ 3 የማሞቂያ እንዲሁም የምርት ማጠቢያና ማዘጋጃ ክፍሎች ያሉት ግዙፍ ማዕከል መሆኑን አመልክተዋል።

በተጨማሪም 350 ተሸከርካሪዎች ማቆሚያ፣ የምርት ማከማቻ መጋዘን፣ የጅምላና ችርቻሮ መሸጫ ሱቆች ያሉት ባለ 3 ወለል ሕንጻ ነው ብለዋል።

ማዕከሉ የገበያ ዋጋን በማረጋጋት፣ ጤናማ የገበያ ቅብብሎሽ ሰንሰለት በመፍጠር፣ ከእርሻ ውጤት በሚገኝ ገቢ አርሶ አደሩን በቀጥታ ተጠቃሚ በማድረግ ፣ አርሶ አደሩ አዳዲስ ቴክኖሎጂዎችን እንዲጠቀም በማስቻል፣ ጥራት ያላቸው ምርቶች ለገበያ እንዲቀርቡ ያደርጋልም ተብሏል፡፡

በተጨማሪም ለበርካታ ዜጎች የስራ እድል በመፍጠር የህዝብን አንገብጋቢ የሆኑ ጥያቄዎች በተጨባጭ የተግባር ምልሽ በመስጠት ጠቀሜታው የጎላ እንደሆነም ነው የተጠቆመው፡፡

You might also like

Leave A Reply

Your email address will not be published.