Fana: At a Speed of Life!

ተመድ የዓለም ሙቀት መጨመርን ለመግታት ሀገራት ሥር ነቀል ለውጥ እንዲያመጡ አስጠነቀቀ

አዲስ አበባ፣ ጳጉሜን 4፣ 2015 (ኤፍ ቢ ሲ) የተባበሩት መንግስታት ድርጅት (ተመድ) የዓለም ሙቀት መጨመርን ለመግታት ሀገራት ሥር ነቀል ለውጥ እንዲያመጡ አስጠንቅቋል፡፡

ታዳጊ ሀገራት የአየር ንብረት ለውጥ የሚያስከትለውን ተጽዕኖ እንዲቋቋሙ የገንዘብና የቴክኖሎጂ ድጋፍ ስለመደረጉ፤ የካርበን ልቀትን ለመቀነስ ብሎም ለማቆም እንዲሁም ከአየር ንብረት ለውጥ ጋር ለመላመድ የተደረጉ ጥረቶች በተመድ ተገምግመዋል።

በግምገማው ወቅትም የአየር ንብረት ለውጥን ለመቋቋም የዓለም ህብረተሰብ መጓጓዣውን፣ የሚሰራውን፣ የሚመገበውን፣ እንዲሁም የኃይል አጠቃቀሙን መፈተሽ ያስፈልገዋል ብሏል፡፡

ይህም ፈጣን ለውጥ ማምጣትና የአየር ንብረት ለውጥ ከሚያስከትለው ተጽዕኖ በወቅቱ እንድንወጣ ስለሚረዳ ይህን ተግብሩ ሲልም ማስጠንቀቂያ አዘል መልዕክቱን ገልጿል፡፡

ከፈረንጆቹ 2015 የፓሪሱ ስምምነት መፈረም በኋላ ሀገራት የዓለም ሙቀት መጨመርን ለመቀነስ የሚያደርጉትን ጥረት ለመፈተሽ ይህ የመጀመሪያው ዓለም አቀፍ ግምገማ ነውም ብሏል፡፡

የዓለም የሙቀት መጠን ጭማሪ ከ1 ነጥብ 5 ሴንቲግሬድ በታች እንዲሆን ጥረት ለማድረግ ሀገራት ተስማምተው እንነበር ይታወሳል።

ቀድሞ ከነበረው መሻሻል ቢታይም የአየር ንብረት ለውጥ የሚያመጣውን ተጽእኖ ለመቅረፍ እንዲሁም አሁን እየታዩ ካሉ ስጋቶች ለመውጣት የሚደረጉ ጥረቶች አሁን በከፍተኛ ሁኔታ መጠናከር እንዳለባቸውም ነው ያሳሰበው፡፡

በዚህም ድርጅቱ የዓለም ሙቀት መጨመርን ለመግታት የዓለም አቀፉ ማሕበረሰብ ሥር ነቀል ለውጥ እንዲያመጣ ጥሪ ማቅረቡን የዘገበው ቢቢሲ ነው፡፡

ነዳጅ፣ ጋዝና የድንጋይ ከሰል መጠቀም የአየር ንብረት ለውጥ ዋና መንስዔ የሆነውን ካርቦን ዳይኦክሳይድን ማመንጨት መሆኑን በመገንዘብ፥ ታዳሽ የኃይል ምንጮችን መጠቀም ይገባልም ነው ያለው፡፡

በዚህም የደን ጭፍጨፋውን በፈረንጆቹ 2030 ማቆም እንደሚያስፈልግ አስገንዝቧል፡፡

#World #UN #climatechange

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.