Fana: At a Speed of Life!

አቶ ደስታ ሌዳሞ አምራች ኢንዱስትሪዎችን እየጎበኙ ነው

አዲስ አበባ፣ ጳጉሜን 4፣ 2015 (ኤፍ ቢ ሲ) የሲዳማ ክልል ርዕሰ መስተዳድር ደስታ ሌዳሞ “ከሸማችነት ወደ አምራችነት” በሚል መሪ ሃሳብ እየተከበረ የሚገኘውን የአምራችነት ቀንን ምክንያት በማድረግ በሐዋሳ ከተማ የሚገኙ ኢንዱስትሪዎችን እየጎበኙ ነው።

ርዕሰ መስተዳድሩና የክልሉ ከፍተኛ አመራሮች የሜድሮክ ኢንቨስትመንት ግሩፕ የሐዋሳ አግሪ ማኑፋክቸሪንግ ኢንዱስትሪን እየጎበኙ ነው።

በጉብኝቱ ወቅት የማኑፋክቸሪንጉ ዋና ስራ አስኪያጅ በኃይሉ ተፈራ፥ ኢንዱስትሪው 780 ሚሊየን ብር ካፒታል ተገንብቶ ነሐሴ 2014 ዓ.ም ስራ መጀመሩን ገልፀዋል።

ፋብሪካው በሰዓት 180 ኪሎ ግራም የድንች ቺፕስ እያመረተ ለሀገር ውስጥ ገበያ እንደሚያቀርብም ነው ያነሱት።

በቀጣይ በሙሉ አቅሙ ማምረት ሲጀምር በሰዓት 300 ኪሎ ግራም የማምረት አቅም እንዳለውም መግለጻቸውን የዘገበው ኢዜአ ነው።

ከዚህ በተጨማሪም በ2016 ዓ.ም የማስፋፊያ ግንባታ በማድረግ ምርቱን ለውጭ ገበያ የማቅረብ እቅድ እንዳለውም ነው የተናገሩት።

ፋብሪካው ከሲዳማ ክልል አርሶ አደሮች ጋር የገበያ ትስስር በመፍጠር የድንች ምርት በመረከብ ላይ መሆኑንም ተናግረው፥ በአሁኑ ወቅት ለ182 ሰራተኞችም ቋሚና ጊዜያዊ የስራ እድል ማመቻቸቱን ጠቁመዋል።

#Ethiopia #Industry

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.