Fana: At a Speed of Life!

አቶ አሻድሊ የአምራችነት አቅምን ለማሣደግ እየተሠራ መሆኑን ገለጹ

አዲስ አበባ፣ ጳጉሜን 4፣ 2015 (ኤፍ ቢ ሲ) በኢንዱስትሪ ዘርፍ ያሉ ስራዎችን በማስፋት የአምራችነት አቅምን ለማሣደግ እየተሠራ መሆኑን የቤኒሻንጉል ጉሙዝ ክልል ርዕሰ መስተዳድር አሻድሊ ሀሰን ተናገሩ፡፡

በክልሉ የአምራችነት ቀን “ከሸማችነት ወደ አምራችነት” በሚል መሪ ሐሳብ በተለያዩ ዝግጅቶች ተከብሯል።

በዕለቱም አቶ አሻድሊ ሀሰንን ጨምሮ የክልሉ ከፍተኛ አመራሮች በክልሉ የሚገኙ የዱቄት፣ የዘይት፣ የሣሙና፣ የሻማና ሌሎች አምራች ኢንዱስትሪዎችንና በማኅበር የተደራጁ ወጣቶችን ጎብኝተዋል።

ርዕሰ መስተዳድር አሻድሊ በጉብኝታቸው ወቅት ባስተላለፉት መልዕክት÷ የግብርና ምርቶች የህብረተሰቡን ፍላጎት እንዲሸፍኑ እና የአምራች ኢንዱስትሪዎች ቁጥር ከፍ እንዲል ይሠራል ብለዋል፡፡

ለዚህም ወደሥራ የገቡትን ከማጠናከር ባለፈ ተጨማሪ ኢንዱስትሪዎችን ወደሥራ ለማሥገባት ርብርብ ማድረግ ይጠበቃል ማለታቸውን የክልሉ ኮሙኒኬሽን ቢሮ መረጃ ያመላክታል፡፡

የክልሉ መንግስት በዘርፉ ለተሠማሩትና በቀጣይም በተለያዩ የኢንዱስትሪና የኢንቨስትመንት አማራጮች ለሚሠማሩ አካላት የሚያደርገውን ድጋፍ አጠናክሮ እንደሚቀጥልም አረጋግጠዋል፡፡

አሁን÷ በዘይት፣ በዕብነበረድ፣ በዱቄት እንዲሁም በማኅበር ተደራጅተው በፈሣሽ ሣሙና፣ ሻማና ሌሎች ዘርፎች ምርት የጀመሩ አምራች ኢንዱስትሪዎች አበረታች ውጤት ማሳየታቸውንም ነው የገለጹት፡፡

#Ethiopia

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.