Fana: At a Speed of Life!

በሞሮኮ የሟቾች ቁጥር ከ1 ሺህ 37 በላይ ደረሰ

አዲስ አበባ፣ ጳጉሜን 4፣ 2015 (ኤፍ ቢ ሲ) በሞሮኮ በሬክተር ስኬል 6 ነጥብ 8 በተመዘገበ የመሬት መንቀጥቀጥ አደጋ የሟቾች ቁጥር ከ1 ሺህ 37 በላይ መድረሱ ተገለጸ፡፡

እንዲሁም ጉዳት የደረሰባቸው ሰዎች ደግሞ 1 ሺህ 204 መድረሱን አና ዶሉ ዘግቧል፡፡

አደጋውን ተከትሎም የተለያዩ ሀገራት ጉዳት ለደረሰባቸው አካላት ዕርዳታ እያሰባሰቡ መሆናቸውን አስታውቀዋል፡፡

እስካሁንም የተባበሩት ዓረብ ኢሜሬቶች እና ጆርዳንን ጨምሮ የባሕረ ሰላጤው ሀገራት ዕርዳታ ማሰባሰባቸው ተገልጿል፡፡

የተባበሩት ዓረብ ኢሜሬቶች ፕሬዚዳንት መሐመድ ቢን ዛይድ አል ናህያን ወደ ሞሮኮ በአየር ዕርዳታ እንዲደርስ መመሪያ ሰጥተዋል።

የተባበሩት ዓረብ ኢሜሬቶች ሕዝብና መንግስት ከሞሮኮ ሕዝብ እና መንግሥት ጎን መሆኑን አስታውቀዋል፡፡
የሞሮኮ ሕዝብ ከደረሰበት ጉዳት ፈጥኖ እንዲያገግም መልካም ምኞታቸውን መግለጻቸውን ዘ ጀሩሳሌም ፖስት አስነብቧል፡፡

አስፈላጊውን ሁሉ ድጋፍ ማድረጋቸውን እንደሚቀጥሉም ነው ፕሬዚዳንቱ ያረጋገጡት፡፡

የኳታሩ ኤሚር ሼክ ተሚም ቢን ሀማድ አልታኒ በበኩላቸው÷ አስቸኳይ የሕክምና ቁሶችን ያካተተ የነፍስ አድን ቡድኖች ወደ ሞሮኮ እንዲያቀኑ ትዕዛዝ አስተላልፈዋል፡፡

ጆርዳንም አስፈላጊውን ሁሉ ድጋፍ ወደ ሞሮኮ ለማድረስ በዝግጅት ላይ መሆኗን ሞሮኮ በሚገኘው በኤምባሲዋ በኩል ማስታወቋን ቢ ቢ ሲ ዘግቧል፡፡

#Ethiopia

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.