Fana: At a Speed of Life!

ኪም የእጅ አዙር ቅኝ አገዛዝን ለመታገል ከሩሲያ ጎን እንደሚቆሙ ገለጹ

አዲስ አበባ፣ መስከረም 2፣ 2016 (ኤፍ ቢ ሲ) የሰሜን ኮሪያው መሪ ኪም ጆንግ ኡን በዓለም ላይ የሚስተዋለውን የእጅ አዙር ቅኝ አገዛዝ (ኢምፔሪያሊዝም) ለመታገል ከሩሲያ ጎን እንደሚቆሙ ተናገሩ፡፡

ኪም ጆንግ ኡን  ቮስቶቺኒ  ኮስሞደድሮም በተሰኘው  የሩሲያ የጠፈር ምርምር ማዕከል ከሩሲያው ፕሬዚዳንት  ቭላድሚር ፑቲን ጋር ተወያይተዋል፡፡

በውይይታቻውም ÷ ኪም ጆንግ ኡን ሰሜን ኮሪያ ከሩሲያ ጋር ያላትን የሁለትዮሽ ግንኙነት ይበልጥ  እንድምታጠናክር ተናግረዋል፡፡

በተለይም ፕዮንግያንግ በውጭ ግንኙነት ፖሊሲዋ ለሞስኮ ቅድሚያ እንደምትሰጥ ነው የገለጹት፡፡

ኪም ሩሲያ ሉዓላዋነቷን ለማስጠበቅ ስትል ብርቱ ትግል እያደረገች መሆኑንም  አንስተዋል፡፡

ሰሜን ኮሪያ የፕሬዚዳንት ፑቲንን ውሳኔዎች ትደግፋለች ያሉት ኪም ጆንግ  ኡን ÷ አንድ በመሆን ኢምፔሪያሊዝምን እንታገላለን ብለዋል፡፡

የሩሲያው ፕሬዚዳንት ቭላድሚር ፑቲን በበኩላቸው ÷ ሩሲያ  ለሰሜን ኮሪያ የሳተላይት ድጋፍ ለማድረግ ዝግጁ መሆኗን አረጋግጠዋል፡፡

ፑቲን ሁለቱ ሀገራት በቀጣይ በወታደራዊ  እና ኢኮኖሚያዊ  ዘርፎች በትብብር እንደሚሰሩ  መግለጻቸውንም ቢቢሲ ዘግቧል፡፡

You might also like

Leave A Reply

Your email address will not be published.