በወላይታ ሶዶ የኮሮና ቫይረስ ምርመራ ላብራቶሪ ስራ ጀመረ

የደቡብ ክልል ጤና ቢሮ ኃላፊው እንደገለጹት ቫረሱን በአገር ውስጥ በመመርመር ለህብረተሰቡ ተደራሽ ለማድረግ የሚያስችል ላቦራቶሪ እንዲኖር መንግስት ባደረገው ጥረት ማዕከላትን የማስፋፋት ስራ በመሰራቱ ተናግረዋል።

የሶዶ ላብራቶሪ በሙሉ አቅሙ ስራ ሲጀምር ቀደም ሲል ናሙና በማሰባሰብ ወደ አዲስ አበባና በኋላም ወደ ሐዋሳ ለመላክ ይወጣ የነበረውን ወጪ የሚያስቀርና ባለሙያውም ለማመላለስ በሚደረገው እንቅስቃሴ ሳይጉላሉ ስራቸውን በትኩረት ለመስራት እንዲችሉ የሚያግዝ ነው ተብሏል።

ህብረተሰቡንም በአጠረ ጊዜ ቫይረሱ ይኑርበት አይኑርበት በማረጋገጥ ከስጋት የሚገላግል መሆኑ መገለፁን ከደቡብ ክልል ጤና ቢሮ ያገኘነው መረጃ ያመለክታል።