Fana: At a Speed of Life!

ፑቲን ኪም ጆንግ ኡን ሰሜን ኮሪያን እንዲጎበኙ ያቀረቡላቸውን ግብዣ ተቀበሉ

አዲስ አበባ፣ መስከረም 3፣ 2016 (ኤፍ ቢ ሲ) የሩሲያው ፕሬዚዳንት ቭላድሚር ፑቲን የሰሜን ኮሪያው መሪ ኪም ጆንግ ኡን ሀገራቸውን እንዲጎበኙ ያቀረቡላቸውን ግብዣ ተቀብለዋል፡፡

በሩሲያ የስራ ጉብኝት እያደረጉ የሚገኙት ኪም ጆንግ ኡን ከአራት ዓመታት በኋላ ለመጀመሪያ ጊዜ ከቭላድሚር ፑቲን ጋር ተወያይተዋል፡፡

በውይይታቸውም÷ ሀገራቱ በተለይም በወታደራዊ ዘርፍ በትብብር መስራት በሚችሉባቸው ጉዳዮች ላይ በትኩረት መምከራቸው ነው የተገለጸው፡፡

ፕሬዚዳንት ፑቲን÷ ሞስኮ የሳተላይት እና መሰል የቴክኖሎጂ ድጋፎችን ለፕዮንግያንግ ለማበርከት ዝግጁ መሆኗን አረጋግጠዋል፡፡

በምላሹም ሰሜን ኮሪያ÷ ሩሲያ ከዩክሬን ጋር ለገባችበት ጦርነት የጦር መሳሪያዎችን ለሞስኮ ልታቀርብ እንደምትችል አልጀዚራ አስነብቧል፡፡

ይህ የሁለቱ ሀገራት መሪዎች የትብብር ውይይትም አሜሪካ እና አጋሮቿን ይበልጥ እንዳሳሰባቸው በዘገባው ተመላክቷል፡፡

የተመድ የጸጥታው ምክር ቤት ጉዳዩን አስመልክቶ በሰጠው አስተያየት÷ ሁኔታው ለአሜሪካ እና አጋሮቿ የማንቂያ ደወል ነው ሲል ገልጿል፡፡

በሌላ በኩል ቭላድሚር ፑቲን÷ ኪም ጆንግ ኡን ሰሜን ኮሪያን እንዲጎበኙ ያቀረቡላቸውን ግብዣ በደስታ መቀበላቸው ተመላክቷል፡፡

ፕሬዚዳንት ፑቲን÷ አጋጣሚው የሩሲያ እና የሰሜን ኮሪያን ሕዝቦች ታሪካዊ ግንኙነት ይበልጥ ለማጠናከር እንደሚያስችል አውስተዋል፡፡

You might also like

Leave A Reply

Your email address will not be published.