Fana: At a Speed of Life!

የቻይና የደኅንነት ሚኒስቴር የፌደራል ፖሊስ የፎረንሲክ አቅምን ለማሳደግ ድጋፍ እንደሚያደርግ ገለጸ

አዲስ አበባ፣ መስከረም 3፣ 2016 (ኤፍ ቢ ሲ) የቻይና የሕዝብ ደኅንነት ሚኒስቴር የኢትዮጵያ ፌደራል ፖሊስ የፎረንሲክ አቅምን ለማሳደግ ድጋፍ እንደሚያደርግ ገልጿል፡፡

የፌደራል ፖሊስ ኮሚሽነር ጀነራል ደመላሽ ገ/ሚካኤል በቻይና የሕዝብ ደኅንነት ሚኒስቴር የዓለም ዓቀፍ ትብብር ዲፓርትመንት ምክትል ዋና ዳይሬክተር ኮሚሽነር ዣሃውይ ዦው ከተመራ ልዑክ ጋር ተወያይተዋል።

ውይይቱም ከዚህ ቀደም በፈረንጆቹ ሐምሌ 10 ቀን 2023 የቻይና የሕዝብ ደኅንነት ሚኒስቴር እና የኢትዮጵያ ፌደራል ፖሊስ ያደረጉትን ስምምነት አጠናክሮ ለማስቀጠል ያለመ ነው ተብሏል፡፡

የቻይና የሕዝብ ደኅንነት ሚኒስቴር የኢትዮጵያ ፌደራል ፖሊስ የፎረንሲክ አቅምን ለማሳደግ በኢትዮጵያ ፖሊስ ዩኒቨርሲቲ እየተገነባ የሚገኘውን የፎረንሲክ ልህቀት ማዕከልን በግብዓት እና በሥልጠና ድጋፍ እንደሚያደርግ ከስምምነት ደርሰዋል ነው የተባለው።

በተጨማሪም ልዑካኑ የፌደራል ፖሊስ ወንጀል ምርመራ ዋና መሥሪያ ቤትን እና የፎረንሲክ ምርመራ ማዕከልን ተዘዋውሮ መጎብኘቱን የኢትዮጵያ ፌደራል ፖሊስ መረጃ ያመላክታል፡፡

You might also like

Leave A Reply

Your email address will not be published.