Fana: At a Speed of Life!

“በኢትዮጵያ የወባ በሽታ ጠፍቷል” የሚለው አረዳድ የተሳሳተ ነው – ጤና ሚኒስቴር

አዲስ አበባ፣ መስረም 4፣ 2016 (ኤፍ ቢ ሲ) በኢትዮጵያ የወባ በሽታ ጠፍቷል በሚል የተሳሳተ ግንዛቤ እና የኬሚካል አጎበር አለመጠቀም ችግሮች መኖራቸውን የጤና ሚኒስቴር አስታወቀ፡፡

የጤና ሚኒስቴር እና የአህጉር አቀፉ የወባ ቁጥጥር ማህበር በኢትዮጵያ የሚካሄደው 9ኛው የአህጉር አቀፍ የወባ ቁጥጥር ጉባኤ አስመልክተው መግለጫ ሰተጥተዋል።

በመግለጫቸውም በዓለም አቀፍ ደረጃ በወባ በሽታ ከሚሞቱት ውስጥ ከ96 በመቶ በላይ የሚሆነው በአፍሪካ መሆኑን አስታውቀዋል፡፡

የበሽታው ስርጭት ምጣኔም ከ95 በመቶ በላይ የሚሆነው በአፍሪካ መሆኑን ነው የገለጸው ሚኒስቴሩ።

የወባ በሽታ በኢትዮጵያ ነባራዊ ሁኔታ ሲታይ ከጤና እክልነቱ ባለፈ የእድገት ማነቆ መሆኑ ተነስቷል በመግለጫው፡፡

በመኸር ወቅት የሚከሰት ከመሆኑ ጋር ተያይዞ አምራቹን ኃይል ከስራ ስለሚያስተጓጉል የችግሩ ግዝፈት በኢኮኖሚው ላይ የከፋ እንዲሆን አድርጎታል ነው የተባለው።

እንዲሁም በተለያዩ አካባቢዎች በሚከሰቱ የጸጥታ ችግሮች የጤናው ዘርፍ ተደራሽነት መቀዛቀዝ፣ የአየር ንብረት ለውጥ እና ሌሎች የተፈጥሮ ችግሮችም ለችግሩ መባባስ አጋዥ እንደሆኑ ተመላክቷል፡፡

በተጨማሪም በኢትዮጵያ የወባ በሽታ ጠፍቷል በሚል የተሳሳተ ግንዛቤ መፈጠር እና የኬሚካል አጎበርን ያለመጠቀም ችግር እንዳለም ነው የተገለጸው፡፡

በመሆኑም ይህንን ችግር መፍታት እና የስርጭት መጠኑን በሀገር እና አህጉር ደረጃ ለመቀነስ ከመስከረም 6 እስከ መስከረም 10 ቀን የሚቆይ የጋራ አህጉራዊ ጉባኤ እንደሚካሄድ ተጠቁሟል፡፡

ህብረተሰቡም የኬሚካል አጎበርን በመጠቀም እና ሁሉንም የመከላከያ መንገዶች በመተግበር የወባ ስርጭትን ለመከላከል የሚጠበቅበትን እንዲያደርግ ጥሪ ቀርቧል፡፡

በይስማው አደራው

#Ethiopia

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.