Fana: At a Speed of Life!

በቄለም ወለጋ ዞን በ1 ቢሊየን ብር ወጪ የቄጦ መስኖ ልማት ፕሮጀክት እየተገነባ ነው

አዲስ አበባ፣ መስከረም 4፣ 2016 (ኤፍ ቢ ሲ) በኦሮሚያ ክልል በቄለም ወለጋ ዞን በ1 ቢሊየን ብር ወጪ የቄጦ መስኖ ልማት ፕሮጀክት እየተገነባ መሆኑን የመስኖና ቆላማ አካባቢ ሚኒስቴር ገለጸ፡፡

የመስኖ ልማት ፕሮጄክቱ በዞኑ ሀዋ ገላን እና ሰዲ ጫንቃ ወረዳዎች አዋሳኝ ስፍራ ነው እየተገነበ የሚገኘው፡፡

የፕሮጀክቱ ግንባታ ሥራ ሲጠናቀቅ 2 ሺህ 500 ሄክታር የማልማት አቅም ያለው ሲሆን÷ ከ5 ሺህ በላይ አባዎራና እማዎራዎችን ተጠቃሚ እንደሚያደርግ ተመላክቷል።

ፕሮጀክቱን በ2016 በጀት ዓመት መጨረሻ ለማጠናቀቅ ታቅዶ እየተሰራ መሆኑን የሚኒስቴሩ መረጃ ያመላክታል፡፡

ፕሮጀክቱ የቄጦ ወንዝ ውሃን በመጠቀም 2 ሺህ 500 ሄከታር በመስኖ በማልማት አርሶ አደሮቹ በዓመት 3 ጊዜ በማምረት የተሻለ ተጠቃሚ እንዲሆኑ ያስችላል ተብሏል፡፡

ከዚህ ባለፈም በሀገር ደረጃ ለታቀደው የምግብ ዋስትና መረጋገጥ፣ የስራ እድል ፈጠራና በኢኮኖሚ እድገት ውስጥ አስተዋጽኦ በማድረግ ድህንነትን ለመቀነስ ሚና ይኖረዋል ነው የተባለው፡፡

ለፕሮጀክቱ ተግዳሮት የሆኑ ችግሮችን ከሚመለከታቸው ባለድርሻ አካላት ጋር በመመካከር መፍታት መቻሉም ተገልጿል፡፡

You might also like

Leave A Reply

Your email address will not be published.