Fana: At a Speed of Life!

ተመድ ዓለም አቀፉ ማኅበረሰብ ሊቢያን ለመርዳት እንዲረባረብ ጥሪ አቀረበ

አዲስ አበባ፣ መስከረም 4፣ 2016 (ኤፍ ቢ ሲ) የተባበሩት መንግስታት ድርጅት በጎርፍ አደጋው ለተጎዱ 250 ሺህ ያህል ሊቢያውያን በአስቸኳይ የእንድረስላቸው ጥሪ ለዓለም አቀፉ ማኅበረሰብ አቀረበ፡፡

በትናንትናው ዕለት የተመድ የዕርዳታ ማስተባበሪያ ጽኅፈት ቤት (ኦቻ) በጎርፍ አደጋው ለተጎዱ 250 ሺህ ያኅል ሰዎች በአስቸኳይ ለመድረስ 71 ነጥብ 4 ሚሊየን ያኅል ዶላር አሁኑኑ ከለጋሾች ያስፈልገኛል ብሏል፡፡

ጽኅፈት ቤቱ ገንዘቡን ካላገኘሁ የሟቾች ቁጥር ሊጨምር ይችላልም ሲል ነው ያሳሰበው።

በሊቢያ የዩኒሴፍ ተወካይ ሚሼል ሴርቫዲ ለ10 ሺህ ሰዎች የሚበቃ የሕክምና ቁሳቁስ ፣ ለ1 ሺህ 100 ሰዎች የሚበቃ የንፅሕና መጠበቂያ እና አልባሳት መላካቸውን ገልጸዋል፡፡

የዓለም የምግብ ፕሮግራም በበኩሉ ከ5 ሺህ በላይ ለሚደርሱ በጎርፍ ተጎጂ ቤተሰቦች የምግብ ድጋፍ አቅርቤያለሁ ማለቱን አፍሪካ ኒውስ ሩም አስነብቧል፡፡

ምንም እንኳን ድጋፎች ወደ አካባቢው እየደረሱ ቢሆንም ከደረሰው ጉዳት አንፃር እዚህ ግባ የሚባል አይደለም ተብሏል፡፡

ሚሼል ሴርቫዲ በጎርፉ ምክንያት ከአካባቢው የተፈናቀሉት ብቻ ሳይሆኑ መጠለያ ያላቸውም ቢሆኑ እንኳ ከምግብ እና ከቁሳዊ ድጋፎች በተጨማሪ የደረሰባቸውን የሥነ-ልቦና ቀውስ የሚያክም አፋጣኝ ድጋፍ ያሥፈልጋቸዋል ነው ያሉት፡፡

እንደ ኦቻ መረጃ ÷ አሁን ላይ ከ880 ሺህ በላይ ሰዎች በአውሎ ነፋስ እና በጎርፍ በተጠቁ አምሥት የሊቢያ ግዛቶች ይኖራሉ።

በሊቢያ ደርና በደረሰው የጎርፍ አደጋ ሕይወታቸውን ያጡ ሰዎች ቁጥር ከ11 ሺህ 300 በላይ ማሻቀቡን ኤፒ ዘግቧል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.