Fana: At a Speed of Life!

15ኛው የፌደራል፣የክልልና የሁለቱ ከተማ አስተዳደር ፖሊስ ኮሚሽነሮች ጉባኤ ተካሄደ

አዲስ አበባ ፣ መስከረም 4 ፣ 2016 (ኤፍ ቢ ሲ) 15ኛው የፌደራል፣ የክልልና የሁለቱ ከተማ አስተዳደር ፖሊስ ኮሚሽነሮች ጉባኤ በኢትዮጵያ ፌደራል ፖሊስ ዋና መሥሪያ ቤት በዛሬው ዕለት ተካሄደ።

የኢትዮጵያ ፌደራል ፖሊስ ኮሚሽነር ጀነራል ደመላሽ ገ/ሚካኤል የጉባኤው ዓላማ ከ10 ዓመት ስትራቴጂክ ዕቅድ የተወሰደ የሦስት ዓመት ስትራቴጂክ ዕቅድ ላይ በመወያየት በቀጣይ ለፖሊሳዊ ተልዕኮ በጋራ በመቀናጀት ሀገራዊ ሰላምና ደህንነትን የበለጠ አጠናክሮ ለማስቀጠል የሚያስችል አቅም ለመፍጠር እንደሆነ ተናግረዋል፡፡

የኢትዮጵያ ፌደራል ፖሊስ በ2015 በጀት ዓመት ባከናወነው የለውጥ ተግባራት የወንጀል መከላከል አቅምን በሰው ኃይል፣ በመፈፀም አቅም፣ በስምሪት ሽፋንና በሎጅስቲክስ በከፍተኛ ደረጃ ማደጉን አንስተው በ2016 በጀት ዓመትም ተጠናክሮ ይቀጥላል ብለዋል።

በወንጀል ምርመራ ተግባራት በቴክኖሎጂ፣ በሰለጠነ የሰው ኃይል እና ሀገርን ከተለያዩ ጉዳቶች በማዳን ውጤታማ የወንጀል ምርመራ ተግባራት ማከናወን ተችሏል ማለታቸውን የፌደራል ፖሊስ መረጃ ያመላክታል።

አክለውም በቅርቡ የሙከራ ሥራው የሚጀመረው የዜጎች ተሳትፎ ማዕከል መተግበሪያ (Citizen Engagement Center Application) በመጠቀም የገለልተኛ አማካሪ ምክር ቤት የፖሊስ አገልግሎት ተደራሽነትን መመዘን የሚችለውን እድል እንደሚያገኝ ገልፀዋል፡፡

የሀገር አቀፉ ገለልተኛ አማካሪ ምክር ቤት ሰብሳቢ የሆኑት ኮሚሽነር ጀነራል ደመላሽ ገብረሚካኤል የደቡብ ምዕራብ ኢትዮጵያ፣ የመካከለኛ ኢትዮጵያና የደቡብ ኢትዮጵያ ክልሎችም በቀጣይ የገለልተኛ አማካሪ ምክር ቤቱ አባል እንደሚሆኑ ጠቁመዋል።

#Ethiopia

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ኢንስታግራም፦ https://www.instagram.com/fana_television/
ቲክቶክ፦ https://www.tiktok.com/@fana_television

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.